2 Samuel 21:10 - সান্তালী বাইবেল

¹⁰ Unre Ayaren hoponerat Rispa do gõṛẽ kicricʼ idikate mitʼṭecʼ dhiri cetanreye aṭetʼana. Pạhil phosol gegetʼ khon ehopʼkate tinạkʼ din ona mạ̃ṛĩko cetanre serma khon jạ̃ṛĩ dakʼ ạuri ńurokʼ hạbicʼ siń do cẽṛẽko ar ńindạ do bir janwarko ona mạ̃ṛĩ ṭhen bae sor ocoatʼkoa.

2 Samuel 21:10 Referans Kwoze

Dosar Biboron 21:23

enḍekhan setakʼ hạbicʼ mạ̃ṛĩ do darere aka dohokakʼ baṅ ganokʼa. Enhilokʼge uni do topakae hoyokʼa, ente onkanko hoṛ do Probhu Isorren sarapan hoṛkanako. Ar Probhu Isor do sompotti lekate okaṭakʼ disạme emape lạgidokʼkan ona do alope besapha ocoya.

Sakariạ 10:1

Niron din reakʼ dakʼ lạgitʼ Probhu Isor metaepe; unige dakʼ reakʼ rimilkoe benaoeda. Uni do hoṛe dakʼako kana ar sanamkoakʼ khetre phosole omon ocoyeda.

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

2 Samuel 3:7

Ar Rispa ńutuman Sạulren mitʼṭen miluạ erae tahẽkantaea. Uni do Ayaren hoponerae tahẽkana. Mitʼdin Isboset do Abnere metadea, “Iń ạpuńren miluạ era tulucʼ do cedakʼem giticʼmitʼena?”

Joel 1:18

Mĩhũ merom doko kuhrạũkʼkana! Gại ḍaṅgra pal doko anḍrokʼ sanḍrokʼ baṛaekana, ente onkoakʼ ạtiń ṭạnḍi do bạnukʼtakoa; ar bhiḍi merom doko andakʼ tawakʼ baṛaekana.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Jeheskel 39:4

Israel reakʼ buruko cetanre am ar amren sanam lạṛhại phạdko ar am sãote jạtrenko do giḍi akanko tahẽkan. Ar am do gidi ar janwarkoakʼ jomakʼgeń hoyocomea.

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Dosar Biboron 21:13

ar bondikate ạguiye jokhecʼ acʼakʼ hoṛmore okako kicricʼ tahẽkantae onakoe giḍikataea. Inạ tayom uniyakʼ oṛakʼre tahẽkate maejiu do mitʼ cando hạbicʼ acʼren go-baba lạgitʼe rakʼ homora. Ar ona tayom uni hoṛ do maejiue baplayete uniren jãwãeye hoyokʼa ar maejiu hõ uniren bạhui hoyokʼa.

Dosar Biboron 11:14

Arpe onkae khan Probhu Isor do okte nạpitre, apeakʼ disạmre dakʼe kola ar onate ḍher anaj, darkha jo ar sunumpe ńama.

1 Samuel 17:44

Uni do Dạud arhõe metadea, “Dela hijukʼme; amakʼ hoṛmo reakʼ jel do coṭren uḍạukʼ cẽṛẽko ar bir janwarkoń jom ocokoa.”

Genesis 40:19

Niạ pe din bhitrire Pharao do amakʼ bohokʼ am khone ńurtama are pạsimea, ar cẽṛẽko hecʼkate amakʼ jelko ṭhokrao joma.”

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

2 Samuel 21:11

Sạulren chuṭki era Aya hoponera Rispa okae cekakan ona do Dạudko lạiyadea.

Dosar Biboron 21:22

“Jãhãe hoṛ gujukʼ sạjại ńam lek kanae menteye dos akatʼ khan ar gocʼkate darereko ṭaṅgao dohoakade khan,