2 Samuel 20:22 - সান্তালী বাইবেল

²² Ona tayom uni maejiu do ạkilan kathakowante nagraharen sanam hoṛko ṭhene senena. Ar hoṛko do Bikri hopon Sebakʼ bohokʼko makʼ ńurhạketʼte Joabko capatʼgotʼadea. Unre Joab do sakwae oroṅkeda ar uniren hoṛko do nagraha khonko uṭhạuente apan ạpin oṛakʼteko ruạṛena. Ar Joab do Jerusalemren raj ṭhene ruạṛ calaoena.

2 Samuel 20:22 Referans Kwoze

Sosolhayic̕ 7:19

Gel goṭecʼ disạm cakʼlaoko nagraha tinạkʼ bako daṛe ocoy ạkil do mitʼṭen ạkilanicʼ hoṛ ona khon hõ bạ̃ṛtiye daṛe ocoyea.

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

2 Samuel 18:16

Ona tayom Joab do sakwae oroṅkeda. Unre lạṛhại phạdko do Israelrenko ar bako khudạuletʼkoa, ente Joab do onkoe thamaoketʼkoa.

2 Samuel 2:28

Ar noa menkate uni do sakwae oroṅkeda. Unre sanam hoṛko thir hapeyena. Onko do ar Israelko bako khudạuletʼkoa ar lạṛhại hõ bako lạṛhạilena.

2 Samuel 18:17

Onko do bir reakʼ mitʼṭecʼ danderre Absalomko giḍikadea ar uni cetanre dhiriko capatʼ puńjikeda. Ar Israelren sanamko do apan ạpin oṛakʼteko ruạṛ calaoena.