2 Samuel 20:19 - সান্তালী বাইবেল

¹⁹ Ale do Israelko talare ale do sulukokʼ ar pạtiạranko kanale. Am do Israelko tala reakʼ gogo lekan nagraha marao giḍikakʼ do cedakʼem khojkana. Probhu Isorakʼ sompotti ar Israelko do cedakʼ utʼko reakʼ dom kurumuṭu kana?”

2 Samuel 20:19 Referans Kwoze

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

2 Samuel 21:3

Dạud do Gibeonkoe kuliketʼkoa, “Ape lạgitʼ do cetʼ iń ceka daṛekea? Ar apeakʼ loksanko cetʼ lekateń puruntapete Probhu Isorakʼ ạidạriren Israelpe bhor daṛekekoa?”

1Timothi 2:2

Nonka leka rapajko ar napṛakʼ hudạwanko lạgitʼ hõ koe hoyokʼa, jemon Isor bhokti ar dhoromte man salakʼ khạtir ar sulukte din bon khemao daṛeakʼ.

2 Samuel 17:16

Aben do ńitge Dạud ṭhen khobor kolkate lạiyae ben, ‘Hahaṅkar reakʼ oka jaegare taṛamate gaḍa paromokʼ teheń do onḍe alom tahẽ aṅgakʼa; am do gaḍa paromokʼtege hoyokʼtama. Ar baṅkhan raj ar uni sãoten sanam hoṛko do gujukʼ hoyokʼtakoa.’ ”

2 Korinthiko 5:4

Sạrige noa laṅga hoṛmore tahen jokhecʼ hamal bojha iạte lologe bon sahẽtʼeda; ar koṭokʼ do baṅ sanayetʼ bona bickom oyo ocokʼgebon khojkana jemon abonakʼ gujukʼakʼ hoṛmo do jaejug jiwetʼ hoṛmote pheraokʼ.

1 Korinthiko 15:54

Oka seakʼ ar okaṭakʼ gujukʼ, onako onkage bodolokʼ khan sonot sostor reakʼ katha do purạukʼa, gujukʼ do jitteye utʼkeda mente.

Rak̕joṅ 2:16

Amren bạiriko do am upạrte mocako cahapʼ akada; onko doko landa dhudhutʼa ar togocʼ ḍaṭakateko mena, “Uni dole utʼ akadea. Niạ din lạgitʼgele koyokʼ hor akatʼ tahẽkana ar ona dole ńelkeda. ”

Rak̕joṅ 2:5

Probhu Isor do bạiriko lekae hoyakana; uni do Israele utʼ akadea. Uni do ona reakʼ sanam dolankoe mohor meṭaokeda ar uniyakʼ sanam gaṛko hõe jarkhar akatʼtaea. Uni do Jihudạ hoponerawakʼ homor halaṅe ḍherakatʼtaea.

Rak̕joṅ 2:2

Jakobakʼ tahen joto ṭhạ̃ige Probhu Isor doe mohor meṭao akada, uni do cetʼge bae mãyã akawadea. Jihudạ hoponerawakʼ aotan gaṛ hõ acʼakʼ kurkurạukʼ edreteye rạputʼ akada, ar onako do otreye milạu akada. Uniyakʼ rajosṭi ar mukhiyạko doe besonot ocoakatʼkoa.

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Jirimiạ 51:34

Jerusalemren hoṛko meneda, “Babelren raj Nebukadnesar do aboe utʼ akatʼbona, abo doe chaka chun akatʼbona, ar eken kanḍa lekae hoyocoakatʼ bona. Danob leka uni doe utʼ akatʼbona ar aboakʼ bhage bhage jomakʼ do lacʼ bicʼe jomakada, ar tayomte do haḍapʼ siṭhạ akatʼ jaṅ lekae giḍi sạṅgiń akatʼ bona.”

Sereńko 124:3

onko do ale upạrteko edre seṅgelkokʼa ar jiwetʼteko utʼkelea,

Bikʼcạrko 5:7

Unre Israelkoakʼ atokore celege bako tahẽkana, ar tin hạbicʼ iń Debora do Israelkoren eṅgat leka bạń tahẽkan, un hạbicʼ onkoakʼ atoko do khạlige tahẽkana.

Dosar Biboron 32:9

Probhu Isorakʼ bakhra do acʼren hoṛkoge; ar Jakob doe Israel jạtena acʼakʼ ạidạri bakhra.

Numeri 26:10

Korah sãote nukin banahoṛge ot doe utʼletʼkina; ar Korah dolren barsae mõṛẽgel hoṛ do seṅgelreko atar gocʼena. Noako do Israelko lạgitʼ sontorokʼ reakʼ cinhạ lekako tahẽyena.

Numeri 16:32

ar ot reakʼ moca do cahapʼente Korah gharońjren sanam hoṛe utʼgotʼkatʼkoa.

Genesis 18:23

Ar Abraham do Probhu Isor ṭhen sorenteye menkeda, “Menkhan am do cetʼ bạṛicʼ hoṛko sãote dhorom hoṛko hõm maraokoa?

Dosar Biboron 20:10

“Ar jãhãn ato se nagraha upạrte lạṛhại lạgitʼpe oḍok senlenre onḍenko hoṛ sulukokʼ lạgitʼpe metakoa.

2 Samuel 14:16

Iń ar ińren hoponiń do Isorakʼ sompotti khon, metakʼme acʼren hoṛko tala khon marao giḍi liń lạgitʼ okoe hoṛe kurumuṭukan uniyakʼ ti khon hoedaṛeakʼa maharaj doe rukhiyạ lińạ.

2 Samuel 20:18

Maejiue menkeda, “Sedaeren hoṛko menetʼ tahẽkana, ‘Abelte senkate sopolha hataome. Ar nonkate onko do sanamakʼ babotreko miṭmaṭetʼ tahẽkana.

2 Samuel 20:20

Joab doe menkeda, “Utʼ kakʼ se jarkhar reakʼ kạmi iń khon do sahaṛ akae tahenma, hẽ sahaṛ akaege tahenma.

1 Samuel 10:1

Ona tayom Samuel do mitʼṭecʼ sunum reakʼ botol ạgukate Sạulakʼ bohokʼreye dulkeda. Ar cokʼadeteye metadea, “Probhu Isor do acʼren hoṛko cetanre mukhiyạ menteye ojokʼ bahalketʼmea.

1 Rapajko 8:53

E Probhu Isor, aleren hapṛamko Misor disạm khon oḍok ạguko jokhecʼ amren guti Mose hotete amakʼ roṛ saḍeakʼ lekate amren sompottiko hoyokʼ lạgitʼ dhạrtiren sanam jạtrenko tala khon am do Israelkom begar dohoakatʼkoa.”

Sereńko 33:12

Bhạgangeako onko jạtrenko do, okoeren Isor doe Probhu kan; Bhạgangeako onko hoṛ do, okoe do acʼakʼ nij ạidạri menteye bachao akatʼko.

Sereńko 78:71

Uni do toa emokʼkan bhiḍiko ńel todarotko kạmi khone ạgukedea, jemon uni do Probhu Isorren hoṛko, metakʼme Jakob bõsrenko, okoe do uniyakʼ sompotti onko Israel jạtrenkoe gupi daṛeako.

Sereńko 106:5

Jemon amem bachao akawan hoṛkoakʼ bhạlạiyiń ńel daṛeakʼ, ar jạtrenkoakʼ rạskạ sãoteń rạskạ daṛeakʼ, ar okoe do amren ạidạrikanko ona reakʼ hĩs lekateń sarhao daṛekokʼ.