2 Samuel 20:13 - সান্তালী বাইবেল

¹³ Amasa hor khone ocokʼkede khan sanam hoṛ do Joabko pańja idikedete Bikri hopon Sebako khudạu idikedea.

2 Samuel 20:13 Referans Kwoze

Mark 10:46

Ado Jisu ar uniren celako do Jerikho nagrahateko calaoena. Ar celako ar gadel hoṛko sãote nagraha khone oḍok calakʼkan tahẽkanre Timạiren hopon Bạrtimại ńutuman mitʼṭen kãṛã kokoe hoṛ do hor aṛereye duṛupʼ akan tahẽkana.

Jirimiạ 31:21

“Ape do hor horte; udukʼakʼ cinhạko dohoype ar khunṭiko bạisạupe. Ar oka hortem senlen ona hor reakʼ katha disạime. E kũạri Israel, dela ruạṛ hijukʼme, amakʼ goṭa nagrahawante ruạṛ hijukʼme.

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Jesaea 36:2

Ona tayom Ạsurren raj do Rabsake sãote mitʼṭecʼ maraṅ utạr lạṛhại phạdkoe soṅgeadete Lakis khon Jerusalemren raj Hiskiạ ṭhene kolkedea. Rabsake do senkate kicricʼ sobotʼkoakʼ ṭạnḍi reakʼ ḍahar aṛe usul jaega reakʼ pukhri sãote joṛao akatʼ dakʼ nala ṭhene teṅgoyena.

Jesaea 7:3

Unre Probhu Isor do Jesaeae metadea, “Am ar amren hopon Sear-Jasub taben oḍok hijukʼte kicricʼ sobotʼ ghaṭ cetan gạḍiạ sãote mitʼakan dakʼ nala reakʼ muk ṭhen senkate Ahas sãote ńapamokʼ ben.

Kạhtukko 16:17

Bạṛicʼ khon sahaṛ tahenge dhoromkoakʼ hor do; Okoe hoṛ acʼakʼ jion reakʼ hor secʼe moneyakʼ uni do acʼakʼ jiwiye rukhiyạitaea.

2 Rapajko 18:17

Asurren raj do Lakis khon Tartan, Rabsari ar Rabsaki noko pene hoṛ do maraṅ utạr lạṛhại phạdkoante Jerusalemren raj Hiskiạ ṭhene kolkatʼkoa. Onko do Jerusalemte senkate dhubi ṭạnḍi reakʼ ḍahar aṛe usul jaega reakʼ pukhri sãote joṛao akatʼ dakʼ nala ṭhenko teṅgoyena.

1 Samuel 6:12

Ar unkin gại do unre leṅga ar jojomsa secʼ ghańjeṛ baṅkate bhokrao bhokraote sojhe ḍaharte Bet-semes secʼkin calao idiyena. Ar Philisṭiren disạm cakʼlaoko hõ sagaṛ tayom tayomte Bet-semes reakʼ simạna hạbicʼko calaoen.

Bikʼcạrko 21:19

Ona tayom onkoko menkeda, “Jao bochor Silore Probhu Isor ńutumte mitʼṭecʼ porob hoyokʼa.” Ar Silo nagraha do Bethel utạr secʼakʼ okaṭakʼ hor do Bethel khon Sikem secʼ calao akan ona purub ar Lebona khon dạkhin secʼre menakʼa.

Numeri 20:19

Israelko do uniko roṛ ruạṛadea, “Ale do sodor ḍahartegele parom calakʼa. Ale ar aleren janwarko amakʼ disạm reakʼ dakʼle ńũ emanle khan enḍekhan ona reakʼ dam hõle em oṭokakʼa. Ale do ekenle parom calakʼa, ar jãhãnakʼ do baṅa.”

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

2 Samuel 20:11

Joabren mitʼṭecʼ hoṛ do Amasawakʼ mạ̃ṛĩ ṭhen teṅgoyenteye menkeda, “Okoe Joabe dulạṛede ar okoe doe Dạud secʼren kan uni do Joabe pańjayema.”

2 Samuel 20:14

Seba do Israelren sanam gusṭiko talate ar Beriyikoakʼ ṭoṭhako secʼte Abel-Betmaka hạbicʼe senena. Ar hoṛko do onḍeko Sebako khudạu idikedea ar nagrahateko boloyena.