2 Samuel 20:10 - সান্তালী বাইবেল

¹⁰ Menkhan Amasa do Joabakʼ ti reakʼ tarwaṛe do bae kheyalleda. Ar Joab do tarwaṛete uniyakʼ lacʼe boskaoketʼtaea. Onate uniyakʼ lacʼ do bogocʼ oḍokente otre ńurena. Ar Amasa ńẽde reakʼ jạṛuṛ do baṅ hoylena. Uni doe gocʼena. Inạ tayom Joab ar uniren boeha Abisae do Bikri hopon Seba kin khudạu idikedea.

2 Samuel 20:10 Referans Kwoze

2 Samuel 2:23

Asahel do enhõ ruạṛokʼ bae rạjilena. Unre Abner do acʼakʼ borlomte Asahelakʼ lacʼe sobokʼketʼtaea, ar borlom do uniyakʼ dea secʼte oḍok hecʼena. Ar Asahel do onḍege bhindạṛenteye gocʼena. Asahel oka jaegare bhindạṛenteye gocʼen onḍe tinạkʼ hoṛko hecʼen onko do sanamge onḍeko teṅgo tahẽyena,

2 Samuel 3:27

Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

Bikʼcạrko 3:21

ar Ehud do leṅga tite acʼakʼ bulu khon chora or oḍokkate rajakʼ lacʼe bhoskaoketʼtaea.

1 Bõsbudạ 12:2

Noko do akʼsar sasapʼkoko tahẽkana ar onko do leṅga ti ar jojomtite hõ bạṭulko tuń daṛeakʼkan tahẽkana. Onko do Benjạmin gusṭiren Sạul bõsren hoṛko tahẽkana. Onko modre nokoko hoṛko tahẽkana:

2 Samuel 20:9

Joab do Amasae metadea, “E boeha cetʼ leka menama?” Ar niạ menkate cokʼae lạgitʼ jojom tite uniyakʼ gocoye sapʼketʼtaea.

1 Samuel 26:8

Noa ńelte Abisae do Dạude metadea, “Isor do teheń acʼren bạiri amakʼ tireye soprot akadea. Ma hukumạń me, ińakʼ borlomte uni do otren sobokʼ jaladea. Bar dhao do baṅ lagaoạńạ.”

Genesis 4:8

Mitʼ din ṭạnḍirekin tahẽkanre Kain do Habel sãote kathae roroṛkan tahẽkanre uni do acʼren boeha Habel cetanre tiye tulketʼte uniye gocʼkedea.

Numeri 35:20

Jãhãege kurud iạte jãhãe hoṛe kuhạue se tãṛãkʼaeteye capade ar uniye gujukʼ enḍekhan uni gogocʼicʼ doe khũniạhi kana; uni do gocʼ giḍikae hoyokʼa. Ar khũn akan hoṛakʼ mãyãm reakʼ hala hạli okoeye hatao uni do khũniạhiye ńamle khan jemone goje.

Bikʼcạrko 3:15

Inạ tayom Israelko do arhõ Probhu Isor ṭhenko rakʼkeda ar uni do onko lạgitʼ Ehud ńutuman mitʼṭen babańcaoicʼe teṅgowatʼkoa. Uni doe tahẽkana Benjạmin gusṭiren Gera hopon. Uni do leṅgṛageye tahẽkana. Ar Israelko do Moabren raj Eglon ṭhen raj bheja emokʼ lạgitʼko kolkedea.