2 Samuel 2:18 - সান্তালী বাইবেল

¹⁸ Joab, Abisae ar Asahel ńutuman Seruaren pea hopon onḍeko tahẽkana. Asahel do birren jel leka murukteye dạṛ daṛeakʼkan tahẽkana.

2 Samuel 2:18 Referans Kwoze

1 Bõsbudạ 12:8

Gadiạkoren thoṛa hoṛ do akoakʼ dol bạgikate hahaṅkar ṭoṭha reakʼ gạṛ lekanakʼ jaegare Dạud ṭhenko hecʼlena. Onko do lạṛhạiko cetʼakatʼ daṛean birko tahẽkana. Onko do ḍhal ar borlom ṭhik lekako calao daṛeakʼkan tahẽkana. Onkoakʼ mẽtʼãhã do dhạcri kul leka botorge tahẽkana ar birren jel leka onko do ạḍi murukko dạṛ daṛeakʼkan tahẽkana.

Habakkuk 3:19

Probhu Isorge ińren daṛe do; uni do jel eṅgawakʼ jaṅga leka ińakʼ jaṅgae hoyocoketʼtińạ ar usul usul ṭhạ̃ite calakʼ reakʼ daṛegeye emạńkana. Sereń cakʼlaoko lạgitʼ tumạlakʼ. Ińakʼ hukum lekate taranakʼ bajnako sãote sereń hoyokʼa.

Soros sereń 8:14

E dulạṛiạtiń, dela hijukʼme; jut so mosolate perecʼ buru coṭre selepʼ jel leka, juạn jhaṅkaṛ jel leka baṛe hoyokʼme.

Soros sereń 2:17

E ińren dulạṛiạ, ruạṛ hijukʼme baṛe; tin hạbicʼ baṅ aṅga marsalokʼ ar ńut ạuri cabakʼ un hạbicʼ am do tahenme. Buru rindiṛkore juạn jhaṅkaṛ jel baṛe hoyokʼme, selepʼ jel leka baṛe hoyokʼme.

Sereńko 18:33

Uni do posta-jel leka jaṅga reakʼ daṛeye emakawạdińa; ar sanam usul jaegakoreye teṅgo ocoakadińa.

Amos 2:14

Okoe usạrako dạṛ daṛeakʼ onko do apnarte ohoko rukhiyạ daṛelena ar lạṛhại birko hõ akoakʼ jiwi do ohoko rukhiyạ daṛelea.

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

1 Bõsbudạ 11:26

Onko daṛean hoṛko doko hoyokʼkana: Joabren boeha Asahel, Bethlehem Dodoren hopon Elhanan,

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

1 Samuel 26:6

Unre Dạud do Hitti hoṛ Ahimelek ar Seruya hopon Joabren boeha Abisae tạkine metatʼkinạ, “Sạulakʼ ḍerate iń tulucʼ do okoeye calakʼa?” Abisaeye menkeda, “Ińiń calakʼa.”

2 Samuel 2:19

Uni do Abnere khudạu idikedea ar etom końe sen baṅkate uni tayom tegeye ńir calaoena.

2 Samuel 22:34

Uni do posta-jel leka jaṅga reakʼ daṛeye emakawạdińa; ar sanam usul jaegakoreye teṅgo ocoakadińạ.

2 Samuel 23:24

“Pegel” Ńutuman dolre do nokoko tahẽkana: Joabren boeha Asahel, Dodoren hopon Elhanan,

1 Rapajko 2:5

“Seruyaren hopon Joab do iń lạgitʼ okaṭakʼe ceka akatʼ ar Israelren lạṛhại phạdkoren banar senaputi cetanre, metakʼme Nerren hopon Abner ar Jetherren hopon Amasa tạkin cetanre okae ceka akatʼ ona dom baḍaegea. Uni do unkine khũn akatʼkinạ, ar sulukokʼ oktere hõ uni do lạṛhại reakʼ dinko leka unkinakʼ mãyãme joro ocoakada ar ona mãyãm do uniyakʼ ḍanḍa totolakʼre ar jaṅga reakʼ panahere laṭkao akana.

2 Samuel 14:1

Seruyaren hopon Joabe baḍaekeda, raj do Absalom lạgitʼ jiwi ragokʼ kantaea.

1 Bõsbudạ 12:9

Hudạ secʼ lekate onko doko tahẽkana: Pạhilicʼ do Esor, dosaricʼ do Obidiạ, tesaricʼ do Eliab,

1 Bõsbudạ 27:7

Ponakʼ cando lạgitʼ ponakʼ dolren subedar do Joabren boeha Asahele tahẽkana. Uniyakʼ gujukʼ tayom uniren hopon Sobdiạ do subedare hoylena. Uniyakʼ dolre do bargel pon hajar lạṛhại phạdko tahẽkana.