2 Samuel 19:8 - সান্তালী বাইবেল

⁸ Unre raj doe beretʼena ar senkate phaṭok-duạr ṭhene duṛupʼena. Ar raj do phaṭok-duạr ṭhene duṛupʼ akana menteko baḍaeketʼ khan sanam hoṛ do uni ṭhenko hecʼena. Ar Absalom secʼren sanam lạṛhại phạdko do apan ạpin oṛakʼteko dạṛ akatʼ tahẽkana.

2 Samuel 19:8 Referans Kwoze

2 Samuel 18:24

Un jokhecʼ Dạud do nagraha bhitri ar bahre phaṭok-duạr reakʼ tala ṭhạ̃ireye duṛupʼ akan tahẽkana. Unre uniren pahradar do duạra reakʼ chat secʼte pạcri cetanreye decʼena. Ar bahre secʼe beṅgetʼketʼ khan mitʼṭen hoṛ do ńir hijukʼkane ńelkedea.

2 Samuel 18:4

Raje roṛ ruạṛatʼkoa, “Ape oka bhagepe hudisetʼkan onageń onkaea.” Onate raj do nagraha reakʼ phaṭok-duạr ṭhene teṅgo tahẽyena, ar hoṛko do hajar hajarkate ar sae saekate hạṭińente onḍe khonko oḍok calaoena.

2 Rapajko 14:12

Unre Israelkoakʼ tire Jihudạ doe bhagao ocoyena ar sanamko apan ạpin oṛakʼteko dạṛkeda.

1 Rapajko 22:36

Ar siń cando hạsurokʼ jokhecʼ lạṛhại phạdko noa kathako lại ocoyena, “Ape mimitʼko do apan ạpin oṛakʼte ruạṛokʼpe.”

2 Samuel 19:3

Ar enhilokʼ Dạudren lạṛhại phạdko do lạṛhạire bhagao ocoakan hoṛko leka lajaote gasacʼ gusucʼko ruạṛ hijukʼ hoṛ leka hape hapete nagrahateko boloyena.

2 Samuel 18:17

Onko do bir reakʼ mitʼṭecʼ danderre Absalomko giḍikadea ar uni cetanre dhiriko capatʼ puńjikeda. Ar Israelren sanamko do apan ạpin oṛakʼteko ruạṛ calaoena.

2 Samuel 15:2

Ar Absalom do ạḍi setakʼre beretʼkate nagraha reakʼ phaṭok-duạr secʼ calakʼ hor aṛereye teṅgokʼ kan tahẽkana. Unre jãhãege jãhãn mambla iạte raj ṭhen bicạr lạgitʼe hijukʼre Absalom do hohokate uniye kuliyede tahẽkana, “Am do okaṭakʼ atoren kanam?” Uni hoṛ doe menetʼ tahẽkana, “Iń amren guti do Israelren hana se noa gusṭiren hoṛ kạnạń.”

1 Samuel 4:10

Unre Philisṭiko doko lạṛhạiyena ar Israelkoko bhagao ocoyente apan ạpin oṛakʼteko dạṛkeda. Israelko do ḍhergeko gocʼ ocoyena; ar onkoren pegel lạṛhại phạdko gocʼena.

2 Rapajko 8:21

Onate Jehoram do acʼakʼ sanam rãt gạḍikoante Seyirteye calaoena. Ar Edomrenko do uni ar uniyakʼ rãt gạḍiren subedarkoko gheraoketʼkoa, menkhan uni do ńindạ jokhecʼ beretʼenteye oḍokena ar uniren lạṛhại phạdko hõko ńir paskaoente oṛakʼteko ruạṛena.