2 Samuel 19:5 - সান্তালী বাইবেল

⁵ Unre Joab do oṛakʼ bhitrite bolokate raje metadea, “Okoe do amakʼ jiwi, amren hopon ar hoponerakoakʼ jiwi, amren bạhuko ar chuṭki erakoakʼ jiwiko rukhiyạ akatʼtako onko sanam hoṛko am dom opomanketʼkoa.

2 Samuel 19:5 Referans Kwoze

Sereńko 3:8

Babańcao do Probhu Isorakʼ kạmi kangea, ar amren hoṛko cetanre amakʼ bhor baṛe tahen ma. (Sela)

Nehemiạ 9:27

Onatege am do bạirikoakʼ tirem jimạletʼkoa ar bạiriko do onkoko santaoetʼko tahẽkana. Onkoakʼ kosṭo oktere onko do am ṭhenko rakʼ homoretʼ tahẽkana ar am do serma khonem ańjomletʼtakoa. Amakʼ maraṅ daya iạte onko bańcaoko lạgitʼ hoṛkom kolletʼkoa. Ar bạirikoakʼ ti khon onkom bańcaoketʼkoa.

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

2 Samuel 19:4

Raj do acʼakʼ mẽtʼãhã betʼkate noa menkate ãṭ aṛaṅte rarakʼe dhurạuena, “Hae, ińren hopon Absalomtiń! Hae, Absalom, ińren hopontiń, ińren hopontiń do!”

2 Samuel 19:6

Okoe amko kurudam kan onkogem dulạṛetʼkoa, ar okoe amko dulạṛetʼme onko dom kurudako kana. Teheń do saphatem bujhạu ocoyeda, subedarko ar onkoren hoṛko am ṭhen do cele hõko baṅkana. Ińiń ńeleda, ale sanamkole gocʼ ocolen khan ar eken Absalom eskar jiwetʼe tahẽlen khan am do ạḍim kusikokʼa.

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

2 Samuel 15:30

Dạud do rakʼ rakʼte jạitun buruteye rakapʼ calaoena. Uni do bohokʼ poṭom esetʼkate eken jaṅgae taṛametʼ tahẽkana. Hoṛko hõ jotoge uni sãote bohokʼ poṭomkate rakʼ rakʼte rakabokʼko ehopʼena.

2 Samuel 18:17

Onko do bir reakʼ mitʼṭecʼ danderre Absalomko giḍikadea ar uni cetanre dhiriko capatʼ puńjikeda. Ar Israelren sanamko do apan ạpin oṛakʼteko ruạṛ calaoena.