2 Samuel 19:43 - সান্তালী বাইবেল

⁴³ Israelren hoṛko do Jihudạrenko metatʼkoa, “Ale do gel gusṭikoren kanale ar onate Dạud raj cetanre ape khon ḍher ạidạri menakʼtalea. Menkhan ape do cedakʼ nonkape nindạuketʼlea? Aboren raj ruạṛ ạguiye reakʼ katha alege cetʼ pạhilte bale roṛleda?” Menkhan Israelren hoṛko khon Jihudạren hoṛkoakʼ kathage bạ̃ṛti keṭecʼ tahẽkana.

2 Samuel 19:43 Referans Kwoze

Galathiko lạgitʼ Pạul Apostolakʼ ciṭhi 5:20

boṅga sewa, gukʼni, bene bạiri, kạphạriạu mẽtʼ jolokʼ, raṅgao, torpha turphi,

2 Samuel 5:1

Israelren sanam gusṭikorenko do Hebronre Dạud ṭhen hecʼkateko menkeda, “Am ar alekoakʼ hoṛmore do inạ mitʼ mãyãmge ạtukʼkana.

Jakob 1:20

ente abo ṭhen khon Isor oka dhorom jione asokʼkan ona do raṅgao talate oho hecʼlena.

Philipiko lạgitʼ Pạul apostolakʼ ciṭhi 2:3

Apnarakʼ porho lạgitʼ se michạ bạḍạite cetʼ hõ alope cekaya, bickom nindhạn monte eṭakʼko apnar khon soros mente bujhạukope.

Galathiko lạgitʼ Pạul Apostolakʼ ciṭhi 5:26

Michạ man ńam baṛako leka do alo bon hoyokʼma, ar alo bon ạṛis ocokoma ar alo bon hipiskạma.

Galathiko lạgitʼ Pạul Apostolakʼ ciṭhi 5:15

Menkhan ape apepe jhogṛakʼ arpe hipiskạ kan khan men sontorokʼpe! Arpe nonkae khan ape do apetegepe maraokʼa.

Romiko lạgitʼ Pạul Apostolakʼ ciṭhi 12:21

Bạṛicʼakʼte alom bhagao ocokʼa, bickom bhageakʼte bạṛicʼakʼ bhagaome.

Kạhtukko 18:19

Boeha hoteteye opoman ocoakan boeha do kajak nagraha khon hõe keṭecʼgea; ar jhogṛa kạphạriạu do raj dolan reakʼ huṛkạṛ leka.

Kạhtukko 17:14

Jhogṛa reakʼ ehopʼ do phoṛ oḍokokʼkan dakʼ leka, onate reṭepeṭe ehobokʼrege ona do ikạkakʼme.

Kạhtukko 15:1

Mạ̃hir roṛ ruạṛ do raṅgaoe cabaea, menkhan saegatʼ katha do raṅgaoe janam ocoya.

Kạhtukko 13:10

Bạḍại do jhogṛa ar reṭepeṭeye sirjạu ocoya, menkhan okoe hukumko ańjometʼ onko ṭhen do ạkil ńamokʼa.

1 Rapajko 12:16

Israelkoko ńelkeda raj do onkoakʼ katha bae ańjomeda unre onko do rajko metadea, “Dạud cetanre jãhãn dạbiteakʼ do bạnukʼtalea. Jisạiren hopon cetanre aleakʼ ạidạri hõ bạnukʼanaṅ. E Israelko Do apan ạpin oṛakʼte ruạṛ calakʼpe. E Dạud, ńitokʼ amakʼ gusṭi do amtege ńel joṅme.” Onate Israelko do apan ạpin oṛakʼteko ruạṛ calaoena.

2 Samuel 20:6

Unre Dạud do Abisaeye metadea, “Absalom aboakʼ tinạkʼ bae loksan akatʼ ona khon hõ Bikri hopon Seba do ḍhere loksan tabona. Ńitokʼ am do ińren hoṛkoante uni khudạue lạgitʼ oḍok calakʼme. Ar baṅkhan uni do jãhãn pạcrite esetʼ nagrahae sendra ńamle khan abo ṭhen khone dạṛ paskaokʼa.”

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

2 Samuel 19:14

Nonkate Dạud do Jihudạren sanam hoṛkoakʼ mon do mitʼṭen hoṛakʼ mon lekae lạbitʼ ocoketʼtakoa. Ar niạ katha raj ṭhenko roṛ gotʼkada, “Am ar amren sanam gutiko ma ruạṛ hijukʼpe.”

2 Samuel 19:9

Unre Israelren sanam gusṭiko talaren hoṛko do reṭepeṭekʼ tulucʼ roroṛko ehopʼena, “Raj do bạirikoakʼ ti khone bańcao akatʼbona; Philisṭikoakʼ ti khon unigeye rukhiyạketʼ bona. Menkhan ńitokʼ do Absalom iạtege disạm khone dạṛ akada.

Bikʼcạrko 9:23

Inạ tayom Isor do Abimelek ar Sikemren hoṛko talare mitʼṭen bạṛicʼ jiue kolkedea. Onate Sikemren hoṛko do Abimelek sãote bepạtiạrko kạmikeda.

Bikʼcạrko 8:1

“Ephrayimren hoṛ do Gideonko kulikedea, “Ale tulucʼ nonka do cedakʼem beoharkeda? Midiạnrenko sãote lạṛhại lạgitʼ oḍokʼ calakʼ jokhecʼ cedakʼ bam hohoatʼlea?” Ar nonkage onko do keṭecʼ keṭecʼ katha Gideonko ańjomadea.