2 Samuel 19:42 - সান্তালী বাইবেল

⁴² Jihudạren sanamko do Israelren hoṛko metatʼkoa, “Raj doe aleren hoṛkante noale nonka akada. Menkhan ape do cedakʼpe raṅgaokʼ kana? Ale do cetʼ rajakʼ jomakʼ khon jãhãnakʼle jomakada? Se jãhãnakʼ bạksise emakatʼlea?”

2 Samuel 19:42 Referans Kwoze

2 Samuel 19:12

Ape ma uniren boehako kangepe, uniyakʼ jel ar uniyakʼ jaṅ kanpe. Enḍekhan raj ruạṛ ạguiye do cedakʼpe bilomeda?’

2 Samuel 5:1

Israelren sanam gusṭikorenko do Hebronre Dạud ṭhen hecʼkateko menkeda, “Am ar alekoakʼ hoṛmore do inạ mitʼ mãyãmge ạtukʼkana.

2 Samuel 19:43

Israelren hoṛko do Jihudạrenko metatʼkoa, “Ale do gel gusṭikoren kanale ar onate Dạud raj cetanre ape khon ḍher ạidạri menakʼtalea. Menkhan ape do cedakʼ nonkape nindạuketʼlea? Aboren raj ruạṛ ạguiye reakʼ katha alege cetʼ pạhilte bale roṛleda?” Menkhan Israelren hoṛko khon Jihudạren hoṛkoakʼ kathage bạ̃ṛti keṭecʼ tahẽkana.

Bikʼcạrko 8:1

“Ephrayimren hoṛ do Gideonko kulikedea, “Ale tulucʼ nonka do cedakʼem beoharkeda? Midiạnrenko sãote lạṛhại lạgitʼ oḍokʼ calakʼ jokhecʼ cedakʼ bam hohoatʼlea?” Ar nonkage onko do keṭecʼ keṭecʼ katha Gideonko ańjomadea.

2 Samuel 2:4

Unre Jihudạren hoṛko do Hebronteko hecʼena ar Dạud do Jihudạ gusṭiren raj menteko ojokʼ bahalkedea. Hoṛko do Dạud niạ sombatko lạiyadea, Jabes-Gileadren hoṛge Sạul doko topa akadea.