2 Samuel 19:39 - সান্তালী বাইবেল

³⁹ Inạ tayom sanam hoṛ do gaḍako paromena, ar raj hõ gaḍae paromena. Raj do Barsilae cokʼadea are bhoradea ar Barsilae do arhõ gaḍae paromketʼte acʼakʼ oṛakʼteye ruạṛ calaoena.

2 Samuel 19:39 Referans Kwoze

Genesis 31:55

Dosar hilokʼ ạḍi setakʼre beretʼkate Laban do acʼren hoponerakin ar goṛomtetʼ gidrạkoe cokʼatʼkoteye bhoratʼkoa. Ar ona tayom do bidạ hataokate acʼakʼ oṛakʼteye ruạṛ calaoena.

Rut reakʼ kạhini 1:14

Niạ katha ańjomkate onko do arhõ ãṭ aṛaṅte rarakʼko ehopʼena. Ona tayom Orpa do acʼren hanhartetʼe cokʼadete bidại hataokeda menkhan Rut do uni tulucʼe tahẽyena.

Genesis 47:7

Inạ tayom Joseph do Pharao ṭhen acʼren apate ạgukedea, ar Jakob do Pharao ạsirbade emadea.

1 Thessalonikikko 5:26

Dulạṛ monte jotoko joharakope.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭecʼ cinhại hoyokʼa, uni upạrte ḍher hoṛge kathako roṛa.

1 Rapajko 19:20

Unre Elisae do acʼren ḍaṅgrakin bạgi oṭokate Eliạ tayom tayomteye ḍạṛ idikeda. Ar Elisaeye menkeda, “Nehõrokʼ kạnạń, ińren go-baba tạkin baṛe cokʼ maṛaṅ ocoạńme. Ar ona tayom do am sãoteń senokʼa.” Eliại roṛ ruạṛkeda, “Do calakʼme, menkhan disạime, noa do Isorakʼ kạmikana.”

2 Samuel 14:33

Unre Joab do raj ṭhen senkate ona kathae lạiyadea. Ar raj do Absalome hohoade khan uni do raj samaṅre otreye ombakʼena. Unre raj do Absalome cokʼadea.

2 Samuel 13:25

Raje roṛ ruạṛkeda, “Baṅa beṭa, ale joto hoṛ do bale calakʼa; arle calaolen khan amakʼ jhamela hoyokʼtama.” Absalom do ạḍiye jormoṭkedere hõ uni do calakʼ bae rebenlena, menkhane bhoradea.

2 Samuel 6:20

Inạ tayom Dạud do acʼakʼ gharońjren hoṛko ạsirbad ako lạgitʼ tinreye ruạṛ hecʼena unre Sạulren hoponera Mikal do uni daram ạguye lạgitʼe oḍok hecʼena are menkeda, “Israelkoren raj teheń do cetʼlekae manotena! Uni do kharap hoṛko leka acʼren kạ̃ṛmĩko samaṅre hoṛmo reakʼ kicricʼkoe totʼ giḍiketʼtaea.”

2 Samuel 6:18

Jeredokʼ ar sulukren samaṅokʼakʼe samaṅketʼ khan Dạud do sanam daṛeanicʼ Probhu Isor ńutumte hoṛkoe bhoratʼkoa.

1 Samuel 24:22

Ar Dạud do Sạul ṭhen onageye kiriạyena. Ona tayom Sạul do oṛakʼteye ruạṛ calaoena, ar Dạud do acʼren hoṛkoante gaṛko metakʼkan ona buruteye rakapʼ calaoena.

Numeri 24:25

Inạ tayom Biliam do beretʼkate oṛakʼ secʼe mohnḍayena ar Balak hõ acʼakʼ horteye ruạṛ calaoena.

Genesis 47:10

Inạ tayom Jakob do Pharaoe bhoradete onḍe khone calaoena.

Genesis 45:15

Ona tayom Joseph do acʼren boehakoe cokʼatʼkoa ar hạṛupʼketʼkoteye rakʼkeda. Unre uniren boehako do uni tulucʼko galmaraokeda.

Genesis 28:3

Sanam daṛean Isor do ame bhoramma ar aema hoponren apat hoyokʼ reakʼ daṛeye danama. Uni do am bõsren hoṛkoe saṅge ocokoa. Onko do aema jạtrenko hoyokʼa.

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.

2 Samuel 19:38

Raje menkeda, “Ṭhikgea, Kimham do iń sãote gaḍae paromokʼa, ar am okam khoj onage unireń onkaea. Ona chaḍa iń ṭhen okam khoj onageń onkaea.”