2 Samuel 19:28 - সান্তালী বাইবেল

²⁸ Goṛomiń haṛamren bõsko do ińren mạlik maharaj ṭhen gujukʼ lek kangeako, menkhan enhõ am do amren hoṛko tulucʼ amakʼ ṭebilre jom-ńũi lạgitʼ iń amren guti hõ ṭhạ̃iyem tearadiń tahẽkana. Enḍekhan maharaj ṭhen nehõrokʼ lạgitʼ do ar cetʼ menakʼtińạ?”

2 Samuel 19:28 Referans Kwoze

2 Samuel 9:13

Ar Mephiboset do Rajakʼ ṭebilreye jom ńũiyetʼ tahẽkante Jerusalemreye tahenkan tahẽkana. Uni do banar jaṅgage leḍha tahẽkantaea.

2 Samuel 9:10

Am, amren hoponko ar amren gutiko do uniyakʼ jumi caskate phosolpe samṭaoa jemon amren kisạ̃ṛren goṛomtetʼ koṛa do jomakʼ hoyokʼtae; menkhan amren kisạ̃ṛren goṛomtetʼ koṛa Mephiboset do jao okte ińakʼ ṭebilreye jom ńũiya.” Sibaren do gelmõṛẽ goṭen hopon ar bargel gutiko tahẽkantaea.

2 Rapajko 8:3

Eae bochor tayom uni do Philisṭikoakʼ disạm khone ruạṛ hecʼen khan acʼakʼ oṛakʼ-duạr ar jaega-jumiko ńam ruạṛ lạgitʼ raj ṭhene calaoena.

1 Samuel 26:16

Am do ṭhikakʼ bam kạmi akada. Jiwetʼ Probhu Isor ńutumteń metam kana, am ar amren hoṛko do gujukʼ lek kanape, ente aperen mạlik, okoe doe ojokʼ bahal ocoakan, uni do bạiriko khon bape horho akadea. Rajakʼ bohokʼ ṭhen oka borlom ar dakʼ bhajan tahẽkan onakin do okayena?”

Genesis 32:10

Amren nui guti oka daya ar pạtiạrem udukʼ akawade onaren lek doń baṅkana. Eken mitʼṭecʼ ṭheṅga tire sapʼkate noa Jordan gaḍań paromlena, menkhan ńitokʼ iń soṅgere barea maraṅ dolrenko menakʼkoa.

2 Samuel 19:29

Raj do uniye metadea, “Amakʼ jãhãn roroṛteakʼ jạruṛ do bạnukʼa. Iń doń goṭa akada, am ar Siba do jaega jumiben hạṭiń joṅa.”

2 Samuel 14:17

“Ńitokʼ iń amren kạ̃ṛmĩ do noań hudiseda, ińren maharajakʼ katha jemon suluke imạń, ente boge-bạṛicʼ bicạrre ińren kisạ̃ṛ maharaj do Isorren mitʼṭen goḍet lekanicʼ kanae. Amren Probhu Isor do am sãotege baṛeye tahenma.”

2 Samuel 14:20

Kathako sojhekakʼ lạgitʼge amren guti Joab do noae kạmi akada. Disạmre cetʼ hoyokʼkana baṅ hoyokʼkana ona do ińren kisạ̃ṛgeye baḍaea. Uniyakʼ akel do Isorren goḍet lekage.”

2 Samuel 15:26

Menkhan uniye menkeda, ‘am cetanre bạń kusiya,’ enḍekhan uni oka bhageye hudis onage ińreye cekae ma.”

2 Samuel 16:3

Raje kuliyana, “Amren kisạ̃ṛren goṛomtetʼ koṛa do okare menaea?” Siba doe roṛ ruạṛkeda, “Uni do Jerusalemrege menaea, ente uni doe meneda, ‘teheń Israelko do goṛomiń haṛamakʼ rajosṭi ińko em ruạṛạńạ.’ ”