2 Samuel 19:26 - সান্তালী বাইবেল

²⁶ Uni doe menkeda, “E ińren mạlik maharaj, iń amren guti doń leḍhagea, onateń menleda, ‘ińren gadhare decʼkate raj sãoteń calakʼa.’ Menkhan ińren guti Siba do iń tulucʼ eṛeye kạmi akada.

2 Samuel 19:26 Referans Kwoze

2 Samuel 9:3

Raj doe kuliyana, “Sạulakʼ gharońjkoren cetʼ jãhãe jiwetʼ menakʼkoa one onko cetanre dayań udukʼ daṛeke?” Siba do roṛ ruạṛketʼte raje metadea, “Jonathanren mitʼṭen hopon ńitʼ hõ jiwetʼ menaegea, ar uni do banar jaṅga leḍhagetaea.”

2 Samuel 4:4

Sạulren hopon Jonathanren do mitʼṭen hopone tahẽkana. Uni do leḍhageye tahẽkana. Jisreyel khon tinre Sạul ar Jonathanakʼ gujukʼ khobor hecʼena unre uniyakʼ umer do mõṛẽ bochor tahẽkana. Ona khobor ańjomkate gidrạren dhại buḍhi do uni hoborkate usạrateye dạṛetʼkan tahẽkan jokhecʼ gidrại giḍiledete uniyakʼ jaṅga do leḍhayentaea. Ar uni gidrạwakʼ ńutum do Mephiboset tahẽkana.

2 Samuel 19:17

Uni sãote Benjạmin gusṭiren mitʼ hajar hoṛko tahẽkana ar Sạulakʼ gharońjren guti Siba ar uniyakʼ gharońjren gelmõṛẽ hoponko ar bargel gutiko hõko tahẽkana. Onko do raj jordan gaḍa ạuriye paromrege usạrate senkate jordan gaḍa ṭhenko seṭerena.