2 Samuel 18:28 - সান্তালী বাইবেল

²⁸ Ahimas do ãṭ aṛaṅte raj hohoadeteye menkeda, “Jotoge bhagegea.” Ona tayom uni do otre ombakʼkate raj ḍobokʼadeteye menkeda, “Amren Probhu Isorakʼ sarhao baṛe hoyokʼtae ma. Ińren mạlik maharaj upạrte okoe tiko tulletʼ tahẽkan onko do aboakʼ tireye soprot akatʼkoa.”

2 Samuel 18:28 Referans Kwoze

2 Samuel 14:4

Tekoaren uni maejiu do unre raj ṭhen senkate otre ombakʼente uni ḍobokʼadeteye menkeda, “E maharaj, rukhiyạyińme baṛe!”

Genesis 14:20

Okoe do amren bạiriko amakʼ tireye jimạketʼko uni maraṅ Isorakʼ sarhao baṛe hoyokʼtae ma.” Unre Abram do acʼakʼ ruạṛ ạguakatʼ jinisko reakʼ gel hĩs khon mitʼ hĩs do Melkisedeke emadea.

Sereńko 124:6

Bhạgangeae Probhu Isor do! Uni do bạirikoakʼ ḍaṭate bae cirạ ocoakatʼ bona.

Sereńko 115:1

Aleakʼ do baṅ, E Probhu Isor, aleakʼ do baṅ, menkhan amakʼ sarhaoge baṛe hoyokʼma; amakʼ asambheṛ dulạṛ ar pạtiạr lạgitʼge hoyokʼma.

Sereńko 31:8

Bạirikoakʼ tire am do bam dohoakadińạ, bickom mitʼṭecʼ phaelao jaegarem teṅgo akadińạ.

2 Bõsbudạ 20:26

Ponakʼ dinre onko do Beraka reakʼ buru tala otetreko jarwayente Probhu Isorko sarhaokedea. Ona iạte teheń hõ ona jaega do Beraka buru tala otetko metakʼkana (metakʼme, “sarhaoakʼ”).

2 Samuel 22:27

Ar khạṭiko tulucʼ do khạṭigem beohareda, ar phẽpṛakʼko do amakʼ bud reakʼ phundi udukʼakome.

2 Samuel 1:2

Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.

1 Samuel 26:8

Noa ńelte Abisae do Dạude metadea, “Isor do teheń acʼren bạiri amakʼ tireye soprot akadea. Ma hukumạń me, ińakʼ borlomte uni do otren sobokʼ jaladea. Bar dhao do baṅ lagaoạńạ.”

1 Samuel 24:18

Ạliń lạgitʼ bhageakʼ ben kạmikan ona do teheń ben baḍae ocoketʼ lińạ. Probhu Isor do abenakʼ tireye soprotletʼ lińre hõ baben gocʼletʼ lińạ.

Genesis 24:27

“Bhạgạngeae Probhu Isor do, one okoe doe ińren kisạ̃ṛ Abrahamren Isor kan! Uni do ińren kisạ̃ṛe emade tahẽkan katha ar pạtiạrtetʼ udug do bae hiṛiń akada. Unige horkoe udukʼ ạguạdińa ar iń kisạ̃ṛren boehawakʼ oṛakʼteń hecʼakana.”

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.

1 Samuel 25:23

Abigael do Dạude ńelkede khan usạrate gadha khone pheḍena ar otre ombakʼkate Dạude ḍobokʼadea.