2 Samuel 18:18 - সান্তালী বাইবেল

¹⁸ Absalom tinre jiwetʼe tahẽkana unre uni do apnar lạgitʼ buru lodamre mitʼṭecʼ raj nisạne benaoan tahẽkana. Uni doe menleda, “Ińakʼ ńutum rukhiyại lạgitʼ ińren do cele hoponge bạnukʼkotińa.” Onate acʼakʼ ńutumte ona nisạn khunṭi reakʼ ńutume doholeda. Ar teheń hạbicʼ ona nisạn khunṭi do Absalom khunṭiko metakʼkana.

2 Samuel 18:18 Referans Kwoze

2 Samuel 14:27

Absalomren do mitʼṭen kuṛi ar pe koṛa hoponko tahẽkantaea. Kuṛiyakʼ ńutum do Tamar tahẽkana. Uni do ńelokʼte ạḍi mońje tahẽkana.

1 Samuel 15:12

Ar dosar hilokʼ ạḍi setakʼre beretʼkate Sạul sãote ńapamokʼ lạgitʼe senena. Uni do onḍeko lạiyadea, Sạul do Karmel burure acʼakʼ manotakʼ lạgitʼ onḍe mitʼṭecʼ pinḍ benaokate Gilgolteye senakana.

Genesis 14:17

Kedarlaomer ar uni sãoten rajko bhagaokate Abram do tinreye ruạṛ hijukʼkan tahẽkana unre Sodomren raj do uni sãote ńapamokʼ lạgitʼ Sawe buru nalare, metakʼme rajakʼ buru nalareye oḍok hecʼena.

Sereńko 109:13

Onkoren bõsko doko gocʼ ocokʼma; ar onkoren gidrạkoakʼ ńutum do mohor meṭaokʼma.

Sereńko 49:11

Onko doko hudisa akoakʼ oṛakʼ duạr do tahengetakoa, ar tahen ṭhạ̃i hõ piṛhike piṛhi ṭikạu tahena, onate akoakʼ ńutumtege onko do sompotti reakʼ ńutumko emeda.

Genesis 11:9

Ar onate ona jaega reakʼ ńutum do Babele dohokeda, ente onḍege Probhu Isor do dhạrti reakʼ pạrsiye gaḍbaḍao ocoketʼtakoa. Ar onḍe khonge uni do goṭa dhạrtiye pasnaoketʼkoa.

Genesis 11:4

Onkoko menkeda, “Dela, abo lạgitʼ mitʼṭecʼ nagraha bon benaoa ar nonkan mitʼṭecʼ usul oṛakʼ bon benaoa one ona reakʼ cuṛạ do serma hạbicʼ rakabokʼ. Ar noa iạte abo do ńutum hoyokʼtabona ar goṭa dhạrtire babon pasnaokʼa.”

Jirimiạ 22:30

Probhu Isore meneda, “Am do olme, nui hoṛren cele gidrạge bạnukʼkotaea. Uni do bae jo baha daṛeakʼa ar uniren hoponko hõ bako jo bahakʼa. Onkoren okoehõ Dạudakʼ siṅghạsonre do bako duṛupʼa se Jihudạ disạmre bako rajokʼa.”

Numeri 32:42

Ar Noba do senkate Kenat ar ona aḍepase reakʼ atoko dokholkate acʼakʼ ńutum lekate ona jaega reakʼ ńutum do Nobae dohokeda.

Jesaea 22:16

‘nonḍe do cetʼem ceka kana? Ar nonḍe amakʼ topa lae lạgitʼ, usul jaegare amakʼ topa ṭhạ̃i ṭhik lạgitʼ, ar buru kholaokate jirạukʼ jaega benao lạgitʼ ạidạri do okoeye em akatʼmea?