2 Samuel 18:17 - সান্তালী বাইবেল

¹⁷ Onko do bir reakʼ mitʼṭecʼ danderre Absalomko giḍikadea ar uni cetanre dhiriko capatʼ puńjikeda. Ar Israelren sanamko do apan ạpin oṛakʼteko ruạṛ calaoena.

2 Samuel 18:17 Referans Kwoze

Josuạ 8:29

Uni do Ae nagraharen raje gocʼkedea ar ạyupʼ hạbicʼ darereye aka dohokadea. Ar ńindạ jokhecʼ uniyakʼ mạ̃ṛĩ pheḍkate nagraha reakʼ phaṭok duạr bolokʼ horre giḍikae reakʼe hukumkeda. Ar hoṛko do uni cetanre dhiriko giḍi puńjikeda. Ona do teheń hạbicʼ hõ menakʼgea.

Josuạ 7:26

Akhanakʼ hoṛmo cetanre onko do ạḍi utạr dhiriko puńjikeda. Ona do teheń hạbicʼ hõ menakʼgea. Inạ tayom Probhu Isor do acʼakʼ edre khone ạcurena. Ar onate ona jaega do Akor lodamko metakʼkana.

Kạhtukko 10:7

Dhorom hoṛko reakʼ disạ do bhore ạguiya, menkhan bedhoromkoakʼ ńutum do sea giḍikʼa.

2 Samuel 20:22

Ona tayom uni maejiu do ạkilan kathakowante nagraharen sanam hoṛko ṭhene senena. Ar hoṛko do Bikri hopon Sebakʼ bohokʼko makʼ ńurhạketʼte Joabko capatʼgotʼadea. Unre Joab do sakwae oroṅkeda ar uniren hoṛko do nagraha khonko uṭhạuente apan ạpin oṛakʼteko ruạṛena. Ar Joab do Jerusalemren raj ṭhene ruạṛ calaoena.

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

2 Samuel 19:8

Unre raj doe beretʼena ar senkate phaṭok-duạr ṭhene duṛupʼena. Ar raj do phaṭok-duạr ṭhene duṛupʼ akana menteko baḍaeketʼ khan sanam hoṛ do uni ṭhenko hecʼena. Ar Absalom secʼren sanam lạṛhại phạdko do apan ạpin oṛakʼteko dạṛ akatʼ tahẽkana.

Josuạ 10:27

Ar siń candoe hạsurokʼ jokhecʼ Josuạwakʼ hukumte hoṛko do dare khon onkoakʼ mạ̃ṛĩko pheḍkeda ar okaṭakʼ danderreko oko akan tahẽkan onarege onkoakʼ mạ̃ṛĩko giḍikada. Ar dander reakʼ duạr do lạṭu dhiriteko esetʼkada. Ona do teheń hạbicʼ hõ onḍege menakʼa.

Dosar Biboron 21:20

Unkin do murubbiko kin metakoa, ‘ạlińren nui hopon do ạḍitetʼ ḍhiṭicʼ kanae are ṭhokgea; uni do bae hetawạliń kana. Uni doe ńũ bulokʼkana ar ṭaka poesae tahas nahas cabayetʼa.’

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

1 Samuel 4:10

Unre Philisṭiko doko lạṛhạiyena ar Israelkoko bhagao ocoyente apan ạpin oṛakʼteko dạṛkeda. Israelko do ḍhergeko gocʼ ocoyena; ar onkoren pegel lạṛhại phạdko gocʼena.

2 Rapajko 8:21

Onate Jehoram do acʼakʼ sanam rãt gạḍikoante Seyirteye calaoena. Ar Edomrenko do uni ar uniyakʼ rãt gạḍiren subedarkoko gheraoketʼkoa, menkhan uni do ńindạ jokhecʼ beretʼenteye oḍokena ar uniren lạṛhại phạdko hõko ńir paskaoente oṛakʼteko ruạṛena.

2 Rapajko 14:12

Unre Israelkoakʼ tire Jihudạ doe bhagao ocoyena ar sanamko apan ạpin oṛakʼteko dạṛkeda.

2 Samuel 19:5

Unre Joab do oṛakʼ bhitrite bolokate raje metadea, “Okoe do amakʼ jiwi, amren hopon ar hoponerakoakʼ jiwi, amren bạhuko ar chuṭki erakoakʼ jiwiko rukhiyạ akatʼtako onko sanam hoṛko am dom opomanketʼkoa.

2 Samuel 19:9

Unre Israelren sanam gusṭiko talaren hoṛko do reṭepeṭekʼ tulucʼ roroṛko ehopʼena, “Raj do bạirikoakʼ ti khone bańcao akatʼbona; Philisṭikoakʼ ti khon unigeye rukhiyạketʼ bona. Menkhan ńitokʼ do Absalom iạtege disạm khone dạṛ akada.