2 Samuel 17:25 - সান্তালী বাইবেল

²⁵ Absalom do acʼren lạṛhại phạdko cetanre Joab bodolte Amasae bahalkedea. Amasae do Ithra ńutuman mitʼṭen Israelren hopone tahẽkana. Ithra do Nahasren hoponera Abigaele baplaledea. Abigael do Joabren eṅgattetʼ Seruyaren miserate tahẽkana.

2 Samuel 17:25 Referans Kwoze

1 Bõsbudạ 2:13

Jisạiren maraṅicʼ hopon do Eliab, dosaricʼ do Abinadab, tesaricʼ do Sommo,

2 Samuel 19:13

Ape do Amasa iń reakʼ niạ kathape metaea, ‘am do cetʼ ińakʼ jel ar jaṅ dom baṅ kana? Isorre kiriạkateń metam kana, ńit khon am do Joab bodolte ińren lạṛhại phạdkoren subedarem hoyokʼa.’ ”

1 Rapajko 2:32

Ar uni tinạkʼ mãyãme joro ocoakatʼ ona reakʼ do Probhu Isorgeye hala ruạṛaea, ente ińren ạpuń begor baḍae ocoyete uni do bar hoṛe gocʼketʼkinạ. Unkin do lạṛhại phạdkoren senaputi Nerren hopon Abner ar Jihudạ lạṛhại phạdkoren senaputi Jether ren hopon Amasa.

1 Rapajko 2:5

“Seruyaren hopon Joab do iń lạgitʼ okaṭakʼe ceka akatʼ ar Israelren lạṛhại phạdkoren banar senaputi cetanre, metakʼme Nerren hopon Abner ar Jetherren hopon Amasa tạkin cetanre okae ceka akatʼ ona dom baḍaegea. Uni do unkine khũn akatʼkinạ, ar sulukokʼ oktere hõ uni do lạṛhại reakʼ dinko leka unkinakʼ mãyãme joro ocoakada ar ona mãyãm do uniyakʼ ḍanḍa totolakʼre ar jaṅga reakʼ panahere laṭkao akana.

2 Samuel 20:4

Inạ tayom raj do Amasae metadea, “Pe din bhitrite Jihudạren hoṛko iń ṭhenem hohoạgukoa ar am hõ nonḍem tahena.”

2 Samuel 17:26

Absalom ar Israelko do Gilead ṭoṭhate senkateko derayena.

1 Rapajko 2:28

Niạko khobor do Joabakʼ luturre seṭerena. Uni do Absalom secʼ bae tahẽkanre hõ Adoniạ secʼe tahẽkana, onate uni doe ńir paskaoente Probhu Isorakʼ tạmbure senkate pinḍ reakʼ dereńe sapʼ hapekeda.

2 Samuel 19:14

Nonkate Dạud do Jihudạren sanam hoṛkoakʼ mon do mitʼṭen hoṛakʼ mon lekae lạbitʼ ocoketʼtakoa. Ar niạ katha raj ṭhenko roṛ gotʼkada, “Am ar amren sanam gutiko ma ruạṛ hijukʼpe.”

1 Bõsbudạ 12:19

Dạud do tinre Philisṭiko sãote Sạul upạrte lạṛhại lạgitʼe calakʼkan tahẽkana unre Manase gusṭiren thoṛa hoṛ do akoakʼ dol bạgikate Dạud ṭhenko senlena. Mekhan Dạud ar uniren hoṛko do Philisṭirenko bako goṛowatʼkoa, ente Philisṭiren cakʼlaoko do ako talare galmarao tayom Dạudko bidạkedea. Onkoko menkeda, “Uni do ale bạgikate acʼren kisạ̃ṛ Sạul sãoteye mitʼlen khan ale do bohokʼ ńurokʼ talea.”