2 Samuel 17:23 - সান্তালী বাইবেল

²³ Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

2 Samuel 17:23 Referans Kwoze

Mathae 27:5

Unre Jihudạ do ona ṭaka mundilre capatʼ giḍi oṭokateye calaoena are pạsi gocʼena.

2 Rapajko 20:1

Onako dinre Hiskiạ do gujukʼ dạkhile ruạ kạhil akan tahẽkana. Unre Amosren hopon Jesaea nạbi do uni ṭhen senkateye menkeda, “Probhu Isore meneda, am do amakʼ oṛakʼ duạr sạriạutam, ente am dom gujukʼgea, ar bam bogekʼa.”

2 Samuel 15:12

Samaṅokʼakʼ samaṅ jokhecʼ Absalom do Dạudren sosolhayicʼ Gili nagraha khon Ahitophel hoho ạguiye lạgitʼ hoṛkoe kolketʼkoa. Nonkate soṛojontro do arhõ diṛho idiyena, ente disom hoṛko do Absalom ṭhenko saṅge idiyena.

Sereńko 5:10

E Isor, onko baṛe bicạr dusikom; onko do akoakʼ bạṛicʼakʼ iạteko gurokʼma. Onkoakʼ ạḍi utạr ghạṭko iạte laga giḍikom, ente onko do am upạrteko teṅgo akana.

1 Rapajko 16:18

Simri do nagraha hatena menteye ńelketʼ khan raj doṅgolteye boloyena ar seṅgele lagaoada. Ar unre acʼ hõe lo gocʼena.

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

Kạhtukko 19:3

Manwa do apnarakʼ lelhatetʼge bạṛicʼ horteye idiyea, menkhan enhõ uniyakʼ ontor do Probhu Isor upạrte rakabokʼtaea.

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Jobakʼ 31:3

Bedhoromko lạgitʼ jarkharakʼ do cetʼ baṅkana? Ar bạṛicʼakʼko kạmikan hoṛko lạgitʼ muhin do cetʼ baṅkana?

2 Samuel 16:23

Onako dinre Ahitophelakʼ sopolha do Isor emakʼ sopolha menteko hudisetʼ tahẽkana. Dạud ar Absalom hõ Ahitophelakʼ sopolha do onkage kin hudisetʼ tahẽkana.

2 Samuel 17:22

Onate Dạud ar uni soṅgeten hoṛ do oḍokente jordan gaḍako paromena. Onko do ạuri aṅga marsalokʼrege jordan gaḍako paromkeda, ar mitʼ hoṛ hõ bako sarecʼ tahẽlena.

Jesaea 38:1

Onako dinre Hiskiạ do gujukʼ dạkhile ruạ kạhil akan tahẽkana. Unre Amosren hopon Jesaea nạbi do uni ṭhen senkateye menkeda, “Probhu Isore meneda, amakʼ oṛakʼ duạr sạriạutam, ente am dom gujukʼgea, ar bam bogekʼa.”

Sereńko 109:20

Okoe iń secʼrenko baṅkante, iń reaṅ bạṛicʼko roṛ, onko do Probhu Isor ṭhen khon jemon noa jo geko ńam.