2 Samuel 17:22 - সান্তালী বাইবেল

²² Onate Dạud ar uni soṅgeten hoṛ do oḍokente jordan gaḍako paromena. Onko do ạuri aṅga marsalokʼrege jordan gaḍako paromkeda, ar mitʼ hoṛ hõ bako sarecʼ tahẽlena.

2 Samuel 17:22 Referans Kwoze

Johan 18:9

Noa do hoyena Jisui menletʼ katha jemon purạukʼ, “Okoekom emakawạdiń onko modre mitʼ hoṛ hõ bạń atʼakadea.”

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

Kạhtukko 27:12

Bujhạntar hoṛ do muhinko ńelle khan asrayko hataoa, menkhan lelha hoṛ do muhin ńelkatehõ calakʼtegeko tahena ar ona iạte kosṭoko ńama.

2 Samuel 17:24

Dạud do Mahanayimteye senena ar Absalom do Israelren sanam hoṛkowante jordan gaḍae paromena.

2 Samuel 17:21

Hoṛko ruạṛ calaoen tayom unkin do kuń khon rakapʼkate Dạud raj khobor emae lạgitʼkin calaoena. Arkin metadea, “Am do ńitge mohnḍakʼme ar gaḍa paromokʼme; Ahitophel do am upạrte nonka sopolhae emakana.”

2 Samuel 17:23

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.

Sereńko 42:6

E ińren Isor, ińakʼ jiwi do be as akantińạ; onate iń do Jordan gaḍa aṛereń teṅgo akana, ar Hormon buru reakʼ cuṛạre ar Mitsui burure teṅgokate amakʼ katha reakʼiń ganḍonokʼ kana.