2 Samuel 17:17 - সান্তালী বাইবেল

¹⁷ Ona jokhecʼ Jonathan ar Ahimas do Enrogelre kin tahẽkana. Mitʼṭen kạ̃ṛmĩ do unkinakʼ khobore baḍaekan tahẽkana ar unkin do senkate Dạud raj khoborko kin emaekan tahẽkana, ente unkin lạgitʼ nagrahate oḍok bolokʼ do muhin reaṅge tahẽkana.

2 Samuel 17:17 Referans Kwoze

2 Samuel 15:36

Sadokren hopon Ahimas ar Abiatharren hopon Jonathan hõ onḍe onko sãote menakʼkinạ. Ar jãhãnakʼ hoylen khan unkin hotetege onam baḍae ocoyińạ.”

2 Samuel 15:27

Ona tayom raj do naeke Sadoke metadea, “Jotowakʼ mam ńeletʼkange. Amren hopon Ahimas ar Abiatharren hopon Jonathan soṅgekate Do sulukte ape do nagrahate ruạṛ calakʼpe.

Josuạ 18:16

Ona tayom ona simạna do Rephayim lodam utạr reakʼ Ben-Hinom lodam samaṅ reakʼ buru latar hạbicʼ pheḍ calaoena. Ona tayom ona do Hinom lodam talate senkate Jebusikoakʼ nagraha dạkhin secʼ reakʼ dhasnakote senkate En-Rogel hạbicʼ calao idiyena.

Josuạ 15:7

Ar ona do Akor tapol khon Debir hạbicʼ rakapʼ calaoente utạr secʼakʼ lodam reakʼ dạkhin reakʼ Adumimte rakapʼ calakʼ hor reakʼ samaṅ secʼ Gilgal hạbicʼ sen idiyena. Ar Gilgal khon En-Semser reakʼ ạtukʼkan dakʼ hạbicʼ sen idiyente ona do En-Rogel ṭhen mucạtʼena.

1 Rapajko 1:9

Adoniạ do On-regel aṛere Sohelot dhiri ṭhen ḍaṅgrako, bheḍako, lodgopʼ lodgopʼ bạchurkoe samaṅketʼkote acʼren boehako, metatʼme rajren hoponko ar Jihudạren sanam rajren kạmiyạkoe neotaketʼkoa.

1 Rapajko 1:42

Uniyakʼ ona katha ạuri mucạdokʼrege naeke Abiạtharren hopon Jonathan do onḍeye seṭerena. Ar Adoniạ do uniye metadea, “Dela, hijukʼme. Am dom bhage hoṛ kana khạṭige mońj sombatem ạguakada.”

2 Samuel 15:35

Naeke Sadok ar Abiathar tạkin hõ onḍe am sãotekin tahena. Ar raj oṛakʼre okam ańjom onage unkinem baḍae ocokina.