2 Samuel 17:14 - সান্তালী বাইবেল

¹⁴ Absalom ar Israelren sanam hoṛko menkeda, “Ahitophelakʼ sopolha khon Erekren Husaiyakʼ sopolhage bhagea.” Ente Absalom cetanre jarkhar ạgui lạgitʼ Probhu Isorge Ahitophelakʼ bhage sopolhae ạuṛiyakʼ ocoytae lạgitʼe ṭhik dohoakatʼ tahẽkana.

2 Samuel 17:14 Referans Kwoze

2 Samuel 15:34

Menkhan nagrahate ruạṛ senkate Absalom metaeme, ‘E maharaj iń do amren guti menkategeń tahena; cetʼleka iń do ạpumren gutiyiń tahẽkan onkage ńitokʼ hõ amren gutige minạńa.’ Enḍekhan am do Ahitophelawakʼ sopolha iń lạgitʼem bhoṭ ocoya.

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

2 Samuel 15:31

Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

1 Korinthiko 3:19

ente Isor samaṅre noa dhạrti reakʼ akel do eken lelhawakʼ kana. Sonot sostorre ol menakʼa, “Isor do akelanko akoakʼ seantetʼreye sapʼetʼkoa.”

Luk 16:8

Ado uni gutiye bedhoromgere hõ bud salakʼe kạmiketʼte kisạ̃ṛ do uniye sarhaokedea. Noate bujhạukʼ kana, noa puriren hoponko do ako bidạlrenko talare marsalren hoponko khon hõ bạ̃ṛtiko budangea.

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?

2 Samuel 16:23

Onako dinre Ahitophelakʼ sopolha do Isor emakʼ sopolha menteko hudisetʼ tahẽkana. Dạud ar Absalom hõ Ahitophelakʼ sopolha do onkage kin hudisetʼ tahẽkana.

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Amos 9:3

Karmel buru muthnire apnartetʼko okolenre hõ iń do onḍe khoniń sendra oḍokkoa ariń sapʼạgukoa. Onko do jalapuri latarreko okolenre hõ onko gerko lạgitʼ bińiń hukumakoa.

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

2 Bõsbudạ 25:20

Menkhan Amasiạ do ona katha bae luturada. Noa do Isor khon hoyena, ente hoṛko do Edomren debotakoakʼ goṛoko khojletʼte Isor do Jehoahasakʼ tire onkoe jimạletʼkoa.

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

2 Bõsbudạ 10:8

Menkhan Rehobiam do murubbikoakʼ solha bae hetawatʼte juạn koṛako tulucʼe solhawana, okoe do acʼ sãoteko haralen ar uniko sapʼsorae kan tahẽkan.

Nehemiạ 4:15

Aleren bạiriko tinreko ańjomkeda, ale do onkoakʼ soṛojontro reakʼ kathale baḍae akada ar Isor do ona bae jo baha ocoletʼtakoa, unre ale sanamkoge pạcri ṭhen ruạṛ senkate apan ạpin kạmirele dhurạuena.

Sereńko 9:15

Eṭakʼ jạtrenko do apnarko la akatʼ ghaḍlakʼregeko khańjokʼ kana; ar akoko oḍao akatʼ jhạliregeko jhạlikʼ kana.

Josuạ 11:20

Probhu Isor do onko hoṛkoakʼ mone keṭecʼ ocoletʼtakoa jemon Israelko upạrte lạṛhạikate ḍahao maraokʼ sarapakʼren hoṛko hoyokʼ ar daya baṅ ńamkateko gujukʼ. Niạ hukumge Probhu Isor do Moseye emade tahẽkana.

2 Bõsbudạ 10:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Isor khonge noa ghoṭna do hoyena.

Jobakʼ 12:17

Uni do sosolhakoakʼ kicricʼ totʼkate onkoe bondikoa ar bikʼcạrko do lelhae hoyocokoa.