2 Samuel 17:11 - সান্তালী বাইবেল

¹¹ “Onate noa sopolhań emam kana: Dan khon Ber-seba hạbicʼ doreão aṛe reakʼ alekha gitil leka Israelren sanam hoṛ am ṭhenko jarwakʼma ar am hõ onko tulucʼ lạṛhại oḍok calakʼme.

2 Samuel 17:11 Referans Kwoze

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

Josuạ 11:4

Onko rajko do akoren sanam lạṛhại phạdko sãoteko oḍok hecʼena. Onko do doreão reakʼ gitil leka ạḍi utạrko hoyena. Onko sãote do sadom ar rãt-gạḍiko hõ tahẽkana.

1 Rapajko 20:10

Benhadad do unre Ahab ṭhen niạ sombate kolkeda, “Ińren sanam hoṛko mimitʼ muṭkate emako leka dhuṛi hõ jodi Samariạre tahentam enḍekhan debotako do ińko sạjạyińma ar ona do ạḍi bạṛicʼ sạjạige.”

1 Rapajko 4:20

Jihudạ ar Israelkoakʼ lekha do jalapuri aṛe reakʼ gitil leka tahẽkana. Ar ạḍi sukre tahẽkate onko do dinko khemaoetʼ tahẽkana.

2 Samuel 24:2

Unre raj do acʼ sãoten subedar Joabe metadea, “Ape do Dan khon Ber-seba hạbicʼ Israel gusṭiko talare senkate hoṛ lekhakope jemon iń do onkoakʼ lekhań baḍae daṛeakʼ.”

2 Samuel 12:28

Am do sarecʼ nagrahako cetanre jhãp em lạgitʼ lạṛhại phạdko jarwakate onako hatme. Ar baṅkhan ińge nagrahakoń dokhol lekhan nagraha reakʼ ńutum do ińakʼ ńutumtege hoyokʼa.”

Genesis 13:16

Iń do amren bõsko gitil lekań saṅgekoa. Dhạrti reakʼ gitil jodi jãhãeko lekha daṛeakʼ khan enḍekhan am bõsren hoṛ hõko lekha caba daṛeakoa.

Genesis 21:14

Unre Abraham do ạḍi setakʼre beretʼkate thoṛa jomakʼ ar dakʼte perecʼ mitʼṭecʼ kum Hagare emadete tarenrey ladeadea. Ar ona tayom gidrạ hõ tireye caladete uniye bidạkadea. Hagar do onḍe khon oḍokʼkate Ber-Seba reakʼ hahaṅkarre ạcur baṛaye ehopʼena.

1 Samuel 3:20

Onate Dan ṭoṭha khon Berseba hạbicʼ sanam Israelko doko baḍaekeda, Samuel do Probhu Isorren mitʼṭen nạbiye hoyakana.

1 Samuel 13:5

Unre Philisṭiko do Israelko sãote lạṛhại lạgitʼ mitʼ ṭhenko jarwayena. Ar onko sãote pegel hajar rãt gạḍiko, turui hajar aswariko ar jalapuri reakʼ gitil leka alekha lạṛhại phạdko tahẽkana.