2 Samuel 16:22 - সান্তালী বাইবেল

²² Unre hoṛko do chat cetanre Absalom lạgitʼ mitʼṭecʼ tạmbuko ṭaṅgaokeda ar uni do sanam Israelkoakʼ mẽtʼãhã samaṅre acʼ apatren chuṭki erako tulucʼ giticʼ midokʼ lạgitʼ onḍeye boloyena.

2 Samuel 16:22 Referans Kwoze

2 Samuel 15:16

Unre raj doe mohnḍayena ar acʼakʼ oṛakʼren sanamko uniko pańjakedea. Ar raj oṛakʼ horhoe lạgitʼ acʼren gel goṭen chuṭki erakoe doho oṭokatʼkoa.

2 Samuel 20:3

Dạud Jerusalemre acʼakʼ oṛakʼteye ruạṛ hecʼen khan okoe gel goṭen chuṭki era oṛakʼ horhoe lạgitʼe doho oṭoletʼko onko do mitʼṭecʼ oṛakʼreye dohokatʼkoa ar oṛakʼ horhoe lạgitʼe bebostakeda. Uni do onko jom-ńũ ar kicricʼ khạnḍwạkʼkoe ematʼkoa menkhan onko ṭhen do ar bae bolo baṛalena. Ar onko do onḍe rạnḍi maejiu lekako tahẽyena ạuriko gujukʼ hạbicʼ.

Philipiko lạgitʼ Pạul apostolakʼ ciṭhi 3:19

Onkoakʼ mucạtʼtetʼ do nosṭokʼge; lacʼgetako Isor do; ar oka do lajao paṛawakʼkan onatege onko doko sarhaokʼ kana; onko do eken dhạrti reakʼakʼgeko moneyakʼ kana.

Jeheskel 24:7

Ente uniye joro ocoakatʼ mãyãm do ńithõ acʼ talarege menakʼa; uni do ona cenḍeń cạṭạnireye jorokeda, otre do bae joroleda dhuṛire ona dapalkakʼ lạgitʼ do.

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

2 Samuel 11:2

Mitʼdin maraṅ dakʼ lo ber Dạud do acʼakʼ aṭetʼ khon beretʼkate raj oṛakʼ reakʼ chatreye dãṛã baṛaekan tahẽkana. Unre uni do chat cetan khon mitʼṭen maejiu ḍạbrạkʼ kane ńelkedea. Maejiu do ńelokʼte ạḍi napaeye tahẽkana.

Numeri 25:6

Onate Mose ar Israelren sanamko ńapamokʼ tạmbu reakʼ duạr ṭhen tinreko rakʼjoṅkan tahẽkana unre mitʼṭen Israel hoṛ do onko samaṅrege mitʼṭen Midiạnren kuṛi do acʼakʼ gharońj lạgitʼe idikedea.

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.