2 Samuel 16:21 - সান্তালী বাইবেল

²¹ Ahitophel doe roṛ ruạṛketʼteye menkeda, “Raj oṛakʼ horhoe lạgitʼ ạpum do acʼren okoe chuṭki erakoe bạgi oṭoakatʼko am do onko tulucʼ giticʼ midokʼme. Enḍekhan Israelren sanam hoṛko baḍae daṛeakʼa, am do amren ạpum ṭhen hirkhạwạnicʼem hoyokʼa. Onate am sãoten sanam hoṛ doko am sejokʼa.”

2 Samuel 16:21 Referans Kwoze

2 Samuel 20:3

Dạud Jerusalemre acʼakʼ oṛakʼteye ruạṛ hecʼen khan okoe gel goṭen chuṭki era oṛakʼ horhoe lạgitʼe doho oṭoletʼko onko do mitʼṭecʼ oṛakʼreye dohokatʼkoa ar oṛakʼ horhoe lạgitʼe bebostakeda. Uni do onko jom-ńũ ar kicricʼ khạnḍwạkʼkoe ematʼkoa menkhan onko ṭhen do ar bae bolo baṛalena. Ar onko do onḍe rạnḍi maejiu lekako tahẽyena ạuriko gujukʼ hạbicʼ.

2 Samuel 15:16

Unre raj doe mohnḍayena ar acʼakʼ oṛakʼren sanamko uniko pańjakedea. Ar raj oṛakʼ horhoe lạgitʼ acʼren gel goṭen chuṭki erakoe doho oṭokatʼkoa.

Sakariạ 8:13

E Jihudạ ar Israel gharońjrenko, lahate jạt jạtren hoṛko do sarap lekate apeakʼ ńutumko ńumetʼ tahẽkana, menkhan ńitokʼ iń do apeń bańcaopea ar onko do apeakʼ ńutum bhor lekateko ńuma. Alope botorokʼa, bickom daṛeanko hoyokʼpe.

2 Samuel 2:7

Onate ape do keṭejokʼpe ar dilanko hoyokʼpe. Aperen mạlik Sạul doe gocʼena ar Jihudạ gusṭiren hoṛko do raj lekate ińko ojokʼ bahal akadińạ.”

Levitikus 18:8

Kạki eṅgat ar kạki goṅgo boeha kuṛi tulucʼ hõ giticʼmidokʼ do baṅ ganokʼtapea. Arpe onkae khan babape bemanotea.

1 Korinthiko 5:1

Ańjomokʼ kana, ape talare loṭghuṭi hoyokʼ kana, ar ona loṭghuṭi do nunạkʼ hirkhạwakʼge je, boṅgan hoṛ jạtrenko talare hõ onkanakʼ do bạnukʼanaṅ. Ente mitʼṭen hoṛ do acʼren kạki eṅgattetʼ acʼren bạhu menteye dohoakadea.

1 Rapajko 2:22

Solomon do acʼren eṅgattetʼe metadea, “Adoniạ lạgitʼ Sunemrem Abisag do cedakʼem khojekana? Am do uni lạgitʼ rajosṭi hõm koe daṛekińạ, ente uni do ińren maraṅicʼ boeha kanae; hẽ ar uni lạgitʼ, naeke Abiạthar lạgitʼ ar Seruyaren hopon Joab lạgitʼ hõ onam koe daṛekińạ.”

1 Rapajko 2:17

Unre uni do roroṛe ehopʼena, “Am do Solomon rajem metaea Sunemren Abisog do iń tulucʼ jemone baplaye. Uni do amakʼ kathae dohoya.”

2 Samuel 12:11

“Probhu Isor do arhõe meneda, ‘iń do amakʼ gharońj khonge am do muhinreń paṛao ocomea. Amakʼ mẽtʼãhã samaṅrege amren erako do amren hoṛiń emaea. Uni do sanamko samaṅre amren erako tulucʼe giticʼ midokʼa.

1 Samuel 27:12

menkhan Akis do Dạude pạtiạuaekan tahẽkana are hudisetʼ tahẽkana Dạud do niạko kạmi iạte acʼ jạtren Israel hoṛko ṭhen hirkhạwạnicʼe hoyokʼa ar onate jaejug ińren golam akane tahena.

1 Samuel 13:4

Onate Israelren sanam hoṛko ańjomkeda, Sạul do Philisṭikoren lạṛhại phạdkoakʼ ḍerae akromon akada ar Philisṭiko do Israelkoko hirkhạwako kana. Unre Israelkoko hoho ocoyena jemon onko do Gilgolte senkate Sạul sãoteko midokʼ.

Levitikus 20:11

Okoe acʼren kạki gogo tulucʼe giticʼmidokʼ uni do apattetʼe bemanot edekana. Are onka lekhan uni ar acʼren kạki gogo banarge gocʼkin hoyokʼa. Ar unkin do gujukʼ lạgitʼ apnarge dạyikin hoyokʼa.

Genesis 38:16

Onate uni do Tamor ṭhen senkateye menkeda, “Dela, am sãoteń giticʼmitʼlenge.” Menkhan uni do acʼren kimintetʼ bae oromledea. Tamore menkeda, “Noa iạte am do cetʼem imạńa?”

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

Genesis 6:4

Isorren hoponko sãote noko kuṛiyakʼ giticʼmidokʼ iạte tinạkʼko janamen onko do onako dinren daṛean hoṛko hoyena. Onako dinre ar ona tayom hõ dhạrtire Nepheliạ ńutuman mitʼ jạtren hoṛko tahẽkana.

2 Samuel 16:20

Absalom do Ahitophele metadea, “Ńitokʼ do cetʼ bo cekaea? Am do cetʼ solham emkińạ?

2 Samuel 17:7

Husại do Absalome metadea, “Niạ dhao Ahitophel oka sopolhae emakan ona do baṅ bhagea.

2 Samuel 10:6

Amonrenko tinreko bujhạu daṛeada, onko do Dạud ṭhenko kurud ocoakana mente. Unre onko do Bethrehobren ar Sobaren bargel hajar otten lạṛhại phạdko, ar Makaren mitʼ hajar hoṛko ar Toabren gelbar hajar hoṛkoe bhaṛaketʼkoa.

2 Samuel 13:5

Jonadabe menkeda, “Am do aṭetʼre giticʼkokʼme ar ruạkʼ kanam mente bhanme. Ar amren ạpum tinre am ńeńele hijukʼa unre unim metaea, ‘dayakate ińren misrań Tamar iń ṭhen kolkaeme jemon uni do hecʼkate thoṛa jomakʼe jom ocoyiń. Ar ona jomakʼ do iń samaṅregeye tearma jemon onań ńel are jom ocoyiń.”

1 Rapajko 11:25

Solomon tinạkʼ din jiwetʼe tahẽkan unạkʼ din Reson do Israelko sãote bạiriye tahẽkana ar onako dinre Hadad hõ Israelko upạrteye kạmikan tahẽkana. Israelko upạrte mitʼṭen bạiri menkate Reson do Aram disạmreye rajokʼkan tahẽkana.