2 Samuel 16:12 - সান্তালী বাইবেল

¹² Hoedaṛeakʼ Probhu Isor do ińakʼ niạ kosṭoe ńela, ar teheń okaṭakʼ sarapiń ńametʼ ona bodolte ińakʼe bhạlạitińạ.”

2 Samuel 16:12 Referans Kwoze

Ibriko 12:10

Aboren dhạrtiren babako okaṭakʼ bhageko bujhạuletʼ, ona lekageko ḍanṭao akatʼbona, ar ona do thoṛa din lạgitʼge; menkhan aboakʼ bhage lạgitʼge Isor do aboe ḍanṭaoetʼbona jemon uni leka sonot bon hoyokʼ.

Dosar Biboron 23:5

Menkhan aperen Probhu Isor do Biliamakʼ katha bae luturada; ar ape bako dulạṛletʼpe iạte uni do sarap bodolteye bhoratʼpea.

Romiko lạgitʼ Pạul Apostolakʼ ciṭhi 8:28

Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Sereńko 25:18

Ińakʼ duk ar kosṭo secʼ beṅgedme; ar ińakʼ sanam kạiko ikạ kạtińme.

2 Thessalonikiko 1:7

ar ape okoe dukpe ńametʼ uni do ale sãoteye aosanpea. Probhu Jisu do tinre acʼren daṛean serma goḍetko sãote jolokʼkan seṅgelre serma khone sodorokʼa unrege noako do hoyokʼa. Okoe Isor bako baḍae akade ar Probhu Jisu reaṅ bhage sombat reakʼ katha bako bataoetʼkan unre uni do onkoe sạjạikoa.

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Jesaea 27:7

Probhu Isor do Israelren sasantaoko cetʼlekae hạn akatʼko Israel do onka bae hạn akadea; okoe uniko khũn akade onko leka hõ uni do bae khũn akadea.

2 Samuel 16:13

Inạ tayom Dạud do acʼren hoṛkoante horteye calao idiyena ar Simaiye do sarap em emte ar raj secʼ dhiri capatʼ capatʼte ar dhuṛi uḍiạu uḍiạute buru daṛaṅ secʼteye calaoena.

2 Rapajko 19:4

Ạsurren raj do jiwetʼ Isor nisṛạue lạgitʼ Rabsakeye kolakadea menkhan amren Probhu Isor do hoedaṛeakʼa onako sanamakʼ katha ańjomkate uniye sạjạiyea. Onate am do onko lạgitʼ koeme okoe do ńit hạbicʼ jiwetʼ menakʼko.”

Sereńko 109:28

Onko doko sarapạńma, menkhan am do bhorạńme; onko do iń upạrteko teṅgolen khan lajaoreko paṛaokʼma, menkhan amren golam doe rạskạkʼa.

Sereńko 132:1

E Probhu Isor, am do Dạudakʼ sanam kosṭo reakʼ katha disạime.

Kạhtukko 25:22

Entem onka lekhan uniyakʼ bohokʼre seṅgel aṅgram puńjiaea, ar Probhu Isorge kuṛạiye emama.

Kạhtukko 26:2

Ghaṛwa se bhạluạ cẽṛẽ cetʼleka hante nateko uḍạu baṛae, onkage ạuṛiyakʼ reakʼ sarap do baṅ pheḍ hijukʼa.

Dosar Biboron 23:6

Tinạkʼ din jiwetʼpe tahen unạkʼ din onko bhạlạiko reakʼ alope kurumuṭuiya.

Sereńko 10:14

Menkhan E Isor, amakʼ mẽtʼ do haron ar kosṭo bae beṅgetʼ paroma; am do amakʼ tirege ona dohoy me. Nandanicʼ do amakʼ tiregeye alaeyokʼkana; ar ṭũạr amaricʼ do amgem goṛowae kana.

Joel 2:14

Okoeye baḍaea, hoedaṛeakʼa uni do arhõ mone ạcur ruạṛtaea ar bhore em oṭokakʼa, jemon aperen Probhu Isor ńutumte jomakʼ samaṅokʼakʼ ar coḍor porobpe porob daṛeakʼ.