2 Samuel 16:10 - সান্তালী বাইবেল

¹⁰ Raje menkeda, “E Seruyaren hoponko, noa reaṅ ape sãote ińakʼ do cetʼ? Probhu Isorge, ‘Dạud sarapaeme’ noa kathae metaekan khan, tobe uni do okoeye kuli daṛekea, ‘cedakʼ nonka dom kạmikana?’ ”

2 Samuel 16:10 Referans Kwoze

2 Samuel 19:22

Dạude roṛ ruạṛkeda, “E Seruyaren hoponko, niạ reaṅ am tulucʼ ińakʼ do cetʼ? Teheń cedakʼ ape do iń upạrtepe teṅgokʼ kana? Teheń Israelko modren jãhãe hoṛ goje do cetʼ lek kana? Iń do cetʼ noa katha bạń baḍaea, teheń hõ Israelren raj kạnạń mente?”

Romiko lạgitʼ Pạul Apostolakʼ ciṭhi 9:20

Enḍekhaniń menkea, E manwa; am dom celekante Isor upạrtem roṛ ruạṛetʼkana? Jãhãe hoṛ mitʼṭecʼ jinise benao khan, enḍekhan ona benaoakʼ jinis do cetʼ uniye kuli daṛekea, “Cedakʼ nonka dom benaokedińa?”

Johan 18:11

Noa iạte Jisu do Patrase metadea, “Tarwaṛe do khapre bhoraokakʼme. Baba oka duk reakʼ bạṭiye emakawạdiń ona do cetʼ bạń ataṅa?”

1 Patras 2:23

Hoṛko tinre uniko henostawadea unre uni do onko bae henostawatʼkoa, ar duk jom jokhecʼ hala ruạṛako lạgitʼ botor hõ bae udukʼatʼkoa, bickom acʼ do dhorom bicạricʼ ṭhengeye jimạyena.

Mathae 16:23

Jisu do ạcurente Patrase metadea, “Eya Soetan iń samaṅ khon pharakokʼme. Am do iń tạkʼkicʼicʼ kanam. Isor reakʼakʼko do bam moneyakʼ kana menkhan manwa reakʼakʼgem moneyakʼ kana.”

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

2 Samuel 3:39

Raj lekate ińiń ojokʼ bahal oco akanrehõ teheń iń doń nijorena ar Seruyaren hoponko bạń dormoj daṛeako kana. Probhu Isorge behoketʼkoakʼ kuṛại doe emakoma.”

Genesis 50:20

Ape do ińre bạṛicʼpe hudisleda, menkhan Isor do ona talate bhạlại reakʼe monsubạ akada jemon ḍher hoṛakʼ jiwi rukhyiạkʼtako; ar teheń do onage hoyakana.

Sosolhayic̕ 8:4

Rajakʼ kathage joto khon maraṅakʼkan khan uni do okoeye mendaṛekea, “Am do cetʼem ceka kana?”

Jobakʼ 9:12

Uniye rerecʼ khan okoe uni doe tạkicʼ daram daṛekea? Okoe uniye kuli daṛekea, ‘am do cetʼem cekayeda mente?’

2 Rapajko 18:25

Ona chaḍa iń do cetʼ Probhu Isor ṭhen khon begor hukum hataokate niạ jaega akromon lạgitʼ iń rakapʼ hecʼakana? Niạ disạm upạrte lạṛhạikate ona marao lạgitʼ Probhu Isor do acʼge ińe menakawạdińa.’ ”

1 Rapajko 2:5

“Seruyaren hopon Joab do iń lạgitʼ okaṭakʼe ceka akatʼ ar Israelren lạṛhại phạdkoren banar senaputi cetanre, metakʼme Nerren hopon Abner ar Jetherren hopon Amasa tạkin cetanre okae ceka akatʼ ona dom baḍaegea. Uni do unkine khũn akatʼkinạ, ar sulukokʼ oktere hõ uni do lạṛhại reakʼ dinko leka unkinakʼ mãyãme joro ocoakada ar ona mãyãm do uniyakʼ ḍanḍa totolakʼre ar jaṅga reakʼ panahere laṭkao akana.

Mathae 8:29

Unkin do nonkan haḍrapkin tahẽkana, ona horte okoe hõ bako parom daṛeakʼkan tahẽkana. Ado kikiạuatekin menkeda, “E Isorren Hopon, ale tulucʼ amakʼ do cetʼ? Okte ạuri hoyokʼrege sasetle lạgitʼem hecʼakana?”

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

Sereńko 39:9

Iń do thir hapege minạńa, moca do ar bạń cahabtińạ, ente amge noako dom hoyocoakada.

1 Samuel 26:19

E ạlińren maharaj, ạlińren mạlik, ńitokʼ do dayakate abenren gutiyakʼ katha ańjom ben. Probhu Isorge ạliń upạrteye teṅgo akatʼ ben khan tobe do ạlińakʼ samaṅokʼakʼ uni ṭhen ataṅokʼma. Ar manwako onka akatʼ khan tobe do Probhu Isorakʼ sarap onkore paṛaokʼma, ente teheń do Probhu Isore em akatʼ sompottire ạlińakʼ oka bhag menakʼ ona khon laga ńir liń reakʼko kurumuṭu kana. Onko doko meneda, ‘Do calakʼme, ar debotako pujạwakome.’

2 Samuel 19:23

Ona tayom raj do Simaiye kiriạwadea, “Am do bam gocʼ ocokʼa.”

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?