Biblia Todo Logo
Bib sou entènèt

- Piblisite -




2 Samuel 16:1 - সান্তালী বাইবেল

1 Dạud do buru muthni khon thoṛae laha idiyen khan Mephibosetren guti Siba sãoteye ńapamena. Uni soṅgete do barea gadhakin tahẽkana ar unkinre do bojha lade tahẽkana. Ona bojhakinre do barsae piṭhạ, mitʼsae thoka kismis, mitʼsae thoka loa reakʼ piṭhạ ar harta reakʼ thulire mitʼ thuli darkha rasa tahẽkana.

Gade chapit la Kopi




2 Samuel 16:1
17 Referans Kwoze  

Abigael do noa katha ańjomkate ar bae bilomleda. Uni do bar sae piṭhạ, bar kum darkha rasa, isin tearakʼ mõṛẽ goṭen bhiḍi reakʼ jel, mõṛẽ bosta atawakʼ anaj, mitʼsae thopa kismis ar bar sae thopa loa hataokate gadhakoreye ladekeda.


Ar hoṛko buru coṭre oka ṭhạ̃ire Isorko sewawae kan tahẽkan onḍenko seṭeren khan Erekren Husai do uni sãote ńapamokʼ lạgitʼe hecʼena. Uniyakʼ kicricʼko do oṛecʼ oṛecʼ ar bohokʼ do dhuṛite loso ponḍo tahẽkantaea.


Probhu Isor do ar mitʼṭecʼ dorsone udukʼạdińa. Iń doń ńelkeda, mitʼ ḍạlicʼ jo.


Unre onko do okako disạmreko chirchạtur akan tahẽkan onḍe khon Jihudạ disạm reakʼ Mispate Gedaliạ ṭhenko ruạṛ hecʼena. Onko do asambheṛ darkha rasa ar niron din reakʼ pholḍolko jarwakeda.


Iń apnarge Mispareń tahena ar Babelren okoeko abo ṭhenko hijukʼ onko ṭhen ape huyạte kathań roṛa; menkhan ape do darkha rasa, niron din reakʼ pholḍol ar sunumko samṭao jarwaepe ar apeakʼ bhajankore bae dohoepe ar okako ato ar nagrahakope dokhol akatʼ onḍege girobasokʼpe.”


Ona chaḍa Isakar, Sebulon ar Napthali ṭoṭha khon hõ hoṛko do ũṭko, gadhako, khaccarko ar ḍaṅgrako cetanre decʼkate onko lạgitʼ jomakʼko ạguleda. Israel disạmren hoṛkoakʼ monre rạskạ tahẽkante onko do ḍher holoṅ, loa ar kismis, darkha rasa, sunum ar ḍaṅgrako, meromko ar bheḍako anteko hecʼlena.


Barsilae do ạḍiye haṛam caba akan tahẽkana; uniyakʼ umer do irạlgel bochor tahẽkana. Raj do tinre Mahanayimreye tahẽkana unre unige raj lạgitʼ jomakʼe bebostaleda, ente uni do ạḍi kisạ̃ṛ hoṛe tahẽkana.


Dạud do rakʼ rakʼte jạitun buruteye rakapʼ calaoena. Uni do bohokʼ poṭom esetʼkate eken jaṅgae taṛametʼ tahẽkana. Hoṛko hõ jotoge uni sãote bohokʼ poṭomkate rakʼ rakʼte rakabokʼko ehopʼena.


Unre Jisại do jauḍicʼ piṭhạ, harta reakʼ thulire darkha rasa ar mitʼṭen merom hopon noako mitʼṭen gadhareye ladekeda ar acʼren koṛa Dạud do Sạul ṭhene kolkadea.


“Ona tayom am do onḍe khon sen laha nõkʼkate Tabor ṭoṭha reakʼ Elon dare ṭhenem senlen khange Isorren pe hoṛ do sewae lạgitʼ Bethelteko rakapʼ calakʼ kanem ńamkoa. Arem ńela, onko modren mitʼ hoṛ do pea merom boda hopon, ar mitʼ hoṛ do pea piṭhạ ar mitʼ hoṛ do mitʼ celaṅ darkha rasae idiyeda.


Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.


Dan do manwa lạgitʼ hore phaelaoa, ona do kisạ̃ṛko ṭhene idi seṭerokʼ kana.


Uni sãote Benjạmin gusṭiren mitʼ hajar hoṛko tahẽkana ar Sạulakʼ gharońjren guti Siba ar uniyakʼ gharońjren gelmõṛẽ hoponko ar bargel gutiko hõko tahẽkana. Onko do raj jordan gaḍa ạuriye paromrege usạrate senkate jordan gaḍa ṭhenko seṭerena.


Swiv nou:

Piblisite


Piblisite