Biblia Todo Logo
Bib sou entènèt

- Piblisite -




2 Samuel 15:31 - সান্তালী বাইবেল

31 Unre Dạudko lạiyadea, “Absalom tulucʼ soṛojontroko modre Ahitophel hõ menaea.” Niạ katha ańjomkate Dạud do nonka menkate koejoṅe ehopʼena, “E Probhu Isor, Ahitophelakʼ sopolha baṛe ạuṛiyakʼ ocoytaeme.”

Gade chapit la Kopi




2 Samuel 15:31
23 Referans Kwoze  

Ahitophel do tinreye ńelkeda, acʼakʼ sopolha leka kạmi baṅ hoylena unre uni do acʼren gadhare decʼkate acʼakʼ atoteye calaoena. Ar acʼakʼ oṛakʼ reakʼ jotowakʼ bebosta oṭokateye pạsi gocʼena. Ar acʼren apatakʼ topareko baekadea.


Absalom ar Israelren sanam hoṛko menkeda, “Ahitophelakʼ sopolha khon Erekren Husaiyakʼ sopolhage bhagea.” Ente Absalom cetanre jarkhar ạgui lạgitʼ Probhu Isorge Ahitophelakʼ bhage sopolhae ạuṛiyakʼ ocoytae lạgitʼe ṭhik dohoakatʼ tahẽkana.


Nonkan akel serma khon do baṅ pheḍ hijukʼa, bickom ona reakʼ jopoṛao do dhạrti reakʼ bạṛicʼ sana ar bạṛicʼ jiuko sãotege;


Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.


Onako dinre Ahitophelakʼ sopolha do Isor emakʼ sopolha menteko hudisetʼ tahẽkana. Dạud ar Absalom hõ Ahitophelakʼ sopolha do onkage kin hudisetʼ tahẽkana.


Menkhan akelanicʼ do ukuricʼ? Bidiạwạnicʼ hõ ukuricʼ? Noa piṛhiren esetʼicʼ hõ ukuricʼ? Noa dhạrti reakʼ akel je, lelhawakʼkan ona do cetʼ Isor bae udukʼ abon kana?


E Probhu Isor, ńelme, ińren bạirikoakʼ lekha do tinạkʼ gan. Ńelme, iń upạrte tinạkʼ gan hoṛko teṅgo akana.


Cạtur hoṛkoakʼ goṭawakʼ do bae jo baha ocowakʼ kana, onate onko do cetʼge baṅ hoyokʼ kantakoa.


Samaṅokʼakʼ samaṅ jokhecʼ Absalom do Dạudren sosolhayicʼ Gili nagraha khon Ahitophel hoho ạguiye lạgitʼ hoṛkoe kolketʼkoa. Nonkate soṛojontro do arhõ diṛho idiyena, ente disom hoṛko do Absalom ṭhenko saṅge idiyena.


Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’


Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.


Onko do kurud kathateko esetʼ ạcur akadińạ, ar khamakhate iń tulucʼko lạṛhại kana.


Okoe ińe bemanot akadiń uni do ińren bạiri kanae ona do baṅa, enḍekhan iń do onań sahao daṛekea; ar okoe iń khon apnartetʼe maraṅokʼkan uni hõ iń upạrten kanae ona do baṅa, enḍekhan iń do uni khon danaṅ akaniń tahẽkokʼa.


Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.


Menkhan Absalome menkeda, “Erekren Husại hoho ạguyepe, uniyakʼ jãhãnakʼ mementeakʼ menakʼtae khan bon ańjomtaea.”


Husại do Absalome metadea, “Niạ dhao Ahitophel oka sopolhae emakan ona do baṅ bhagea.


Onko do cetʼ reakʼ coṅ sendrae lạgitʼ siń ńindạ nagraha reakʼ pạcrikoreko ạcur baṛaekana. Ar nagrahare do dusṭạmi ar bedhorom kạmiko calakʼ kana.


Swiv nou:

Piblisite


Piblisite