2 Samuel 15:24 - সান্তালী বাইবেল

²⁴ Raj do tinre nagraha khone oḍok calakʼkan tahẽkana unre naeke Sadok ar sanam Liwiko hõ uni sãoteko tahẽkana. Liwiko do Isorakʼ goha sindukko gokʼ idiyetʼ tahẽkana. Ar nagraha khon sanam hoṛ ạuriko oḍok hijukʼ hạbicʼ Liwiko do Isorakʼ sindukko dohokeda ar naeke Abiathar hõ onko sãoteye tahẽkana.

2 Samuel 15:24 Referans Kwoze

2 Samuel 8:17

Ar Ahiṭubren hopon Sadok ar Abiatharren hopon Ahimelok tạkin do naekekin tahekana ar Seraya do rajren olokʼicʼe tahẽkana.

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

2 Samuel 20:25

Sewa do rajren olokʼicʼ; ar Sadok ar Abiathar do naekekin tahẽkana

1 Samuel 22:20

Ahiṭubren goṛomtetʼ koṛa, metakʼme Ahimelekren hopon do jãhãlekateye ńir paskaoente Dạud ṭhene dạṛkeda. Uniyakʼ ńutum do Abiathar tahẽkana.

Jeheskel 48:11

Noa bises hĩs do hoyokʼa iń ńutumte begar dohoakatʼ Sadok bõsren naekeko lạgitʼ. Onko do iń sewawạńre pạtiạranko tahẽkana ar Israelko sãote bạṛicʼ horteko senlen Liwiko leka bạṛicʼ horte do bako senlena.

1 Bõsbudạ 15:2

Inạ tayom uni doe menkeda, “Isorakʼ sinduk do Liwiko chaḍa ar okoe hõ jemon aloko gokʼ bhạriại ente Probhu Isorakʼ sinduk gokʼ idi ar jaejug hạbicʼ uniyakʼ sewae lạgitʼ Probhu Isor do onkogeye bachao akawana.”

1 Rapajko 2:35

Unre raj do Joab bodolte Jehuyadaren hopon Banae do senaputiye bahalkedea ar Abiạtharakʼ jaegare do Sadoke bahalkedea.

1 Rapajko 1:8

Menkhan Sadok naeke ar Jehoyada hopon Bonae, Nathan nạbi, Simai, Reyi ar Dạudren birbanṭa hoṛko do Dạud secʼgeko tahẽyena.

2 Samuel 15:35

Naeke Sadok ar Abiathar tạkin hõ onḍe am sãotekin tahena. Ar raj oṛakʼre okam ańjom onage unkinem baḍae ocokina.

2 Samuel 15:27

Ona tayom raj do naeke Sadoke metadea, “Jotowakʼ mam ńeletʼkange. Amren hopon Ahimas ar Abiatharren hopon Jonathan soṅgekate Do sulukte ape do nagrahate ruạṛ calakʼpe.

2 Samuel 6:13

Ar okoe do Probhu Isorakʼ sindukko ạguyetʼ tahẽkan onko do turui taṛamko taṛamketʼ tahẽkanre Dạud do mitʼṭen ḍaṅgra ar mitʼṭen phẽṭãṛe samaṅede tahẽkana.

1 Samuel 4:11

Ar Isorakʼ goha sinduk do bạirikoko idikeda. Ar Eliren banar hopon Hopni ar Pinehas hõkin gocʼena.

Josuạ 6:6

Unre Nunren hopon Josuạ do naekeko hohowatʼkoteye metatʼkoa, “Ape do goha-sinduk gogpe ar eae naekeko do eae goṭecʼ sakwa sapʼkate Probhu Isorakʼ sinduk laha lahateko calakʼma.”

Josuạ 6:4

Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

Josuạ 3:6

Ona tayom uni do naekekoe metatʼkoa, “Ape do goha-sinduk gokʼkate hoṛko laha lahate gaḍape paromokʼa. ” Onate onko do goha-sinduk gokʼkate hoṛko laha lahateko calao idiyena.

Numeri 7:9

Mose do Kohatrenko cetʼge bae ematʼkoa, ente sonotakʼ jinisko reakʼ ńel todarot bhar do onko cetanrege tahẽkana ar onako gokʼ idi reakʼ bhar hõ.

1 Rapajko 2:26

Ona tayom raj do Abiạthare metadea, “Am do amakʼ jaega Anatholte ruạṛ calakʼme. Am do gocʼ ocokʼ lek kanam, menkhan ńitokʼ do bạń gocʼmea, ente ińren ạpuń Dạud oktere Probhu Isorakʼ sindukem gokʼ ạguleda ar iń ạpuńakʼ sanamakʼ duk ar kosṭoren bhạgiyạdarem hoylena.”