2 Samuel 15:21 - সান্তালী বাইবেল

²¹ Menkhan Itaiye do raje roṛ ruạṛadea, “Jiwetʼ Probhu Isor ńutumte kiriạkateń meneda ar ińren mạlik ńutumte kiriạkateń meneda, baṅ doń gujukʼ baṅ doń jiwedokʼ, ińren mạlik maharaj jãhãregeye tahen iń amren guti hõ onḍegeń tahena.”

2 Samuel 15:21 Referans Kwoze

Kạhtukko 17:17

Gate do jaogeye dulạṛa, ar boeha do muhinre goṛowam lạgitʼgeye janamokʼ kana.

2 Rapajko 4:30

Menkhan gidrạren eṅgattetʼ doe menkeda, “Jiwetʼ Probhu Isor ar amre kiriạkateń meneda, iń do bạń bạgiwama.” Onate Elisae doe beretʼente maejiu tayom tayomteye calaoena.

2 Korinthiko 7:3

Bicạr dusipe lạgitʼ noa katha do bạń roṛeda. Pạhilregeń menakatʼpea, ape do aleren nunạkʼ dulạṛiạko kanape je, ape tulucʼ gujukʼ hõle rạjigea ar jiwetʼ tahen hõle rạjigea.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Kạhtukko 18:24

Okoeren aema gate menakʼko uniyakʼ jarkhar do ḍherge hoe botecʼjokʼtaea, menkhan nonkan gate menakʼkoa okoe do boeha khon hõ ḍhere pạtiạrge.

2 Rapajko 2:6

Inạ tayom Eliạ do uniye metadea, “Am do nonḍege tahẽ hataṛokʼme; Probhu Isor do jordan gaḍa hanasa parom calakʼe mitạńkana.” Uniye roṛ ruạṛkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana, iń do bạń bạgiwama.” Onate unkin do calakʼtege kin tahẽyena.

2 Rapajko 2:4

Inạ tayom Eliạ do uniye metadea, “Elisae, am do nonḍe tahẽ hataṛokʼme; Probhu Isor do Jerikhote calakʼe mitạńkana.” Elisaye menkeda, “Jiwetʼ Probhu Isor ńutumte ar amre kiriạkateń meneda, iń do bạń bạgiwama.” Onate unkin do Jerikho tekin calaoena.

2 Rapajko 2:2

Eliạ do Elisaye metadea, “Am do nonḍege tahẽ hataṛokʼme; Probhu Isor do Bethelte calakʼe menakawạdińa.” Elisae doe menkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana am do bạń bạgiwama.” Onate unkin do Bethelte kin senena.

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.

1 Samuel 20:3

Menkhan Dạud do arhõ kiriạkateye menkeda, “Abenren baba do bhagetegeye baḍaea aben do ạliń ben dulạṛetʼ lińạ. Onate pasecʼ uni do mone moneteye hudiseda, Jonathan noa babotre baṅ baḍae ocoyege bhagea, ente uni do duke ńama. Menkhan jiwetʼ Isor ńutumte ar abenakʼ jiwetʼ leka ạliń ar gujukʼ talare do eken mitʼ taṛamge pharak menakʼa.”

2 Samuel 15:22

Niạ katha ańjomkate Dạud do Itaiye metadea, “Enḍekhan ma laha idikʼme.” Unre Gatren Itaiye do acʼren sanam hoṛko ar acʼ gharońjren hoṛkoanteye laha idiyena.