2 Samuel 15:18 - সান্তালী বাইবেল

¹⁸ Ar Dạudren hoṛko do uni samaṅteko laha idiyena. Onko modre Kerethiko, Pelethiko ar Gatren turui sae hoṛko tahẽkana okoe do Gat khon raj sãoteko hecʼlen tahẽkan.

2 Samuel 15:18 Referans Kwoze

2 Samuel 8:18

Jehuyadaren hopon Benaya do Kerethi ar Pelethikoren mathakin tahẽkana, ar Dạudren hoponko do rajren sosolhako ar naekeko tahẽkana.

1 Bõsbudạ 18:17

Jehoyadaren hopon Bonae do Dạudren rurukhiyạicʼ ar Korethiạ ar Polethiạkoren sordare tahẽkana ar Dạudren hoponko do rajakʼ maraṅ maraṅ hudạreko bahal ocoakan tahẽkana.

1 Rapajko 1:38

Unre naeke Sadok, Nathan nạbi, Jehoyadaren hopon Banae, Korethiạ ar Polethiạko do senkate Dạud rajakʼ siṅghạsonre Solomonko duṛupʼkedete Gihonteko idikedea.

2 Samuel 20:23

Joab do Israelren sanam lạṛhại phạdkoren maraṅ subedare tahẽkana ar Jehoyada hopon Benaya do Dạudren rurukhiyạko Kerithiko ar Pelethikoren subedare tahẽkana;

2 Samuel 20:7

Unre Joab ar uniren hoṛko do, Kerethiko ar Pelethiko ar sarecʼ birbanṭako do Abisae tabere tahẽkate Bikri hopon Seba khudạue lạgitʼ Jerusalem khonko oḍokena.

1 Samuel 30:14

Ale do Negeb reakʼ Korethikoakʼ dạkhin nakha reakʼ, Jihudạ reakʼ thoṛa hĩs ar Kaleb reakʼ dạkhin ṭoṭhate luluṭle senlena ar Siklog do seṅgeltele jharkhar akada.”

2 Samuel 18:2

Dạud do acʼren lạṛhại phạdko pe hạṭińte hạṭińketʼkoteye kolkatʼkoa. Uni do pạhilakʼ hạṭińkoren do Joab latarre, dosarakʼ hạṭińkoren do Joabren boeha, metakʼme Seruyaren hopon Abisae latarre ar tesarakʼ hạṭińkoren do Gatren Itai latarreye dohoketʼkoa. Raj do lạṛhại phạdkoe metatʼkoa, “Iń hõ khạṭige ape sãoteń calakʼa.”

2 Samuel 6:10

Unre Dạud do Probhu Isorakʼ sinduk acʼakʼ nagrahate ạgu bae rebenlena. Uni do ona Gatren Obed-Idomakʼ oṛakʼreye doho oṭokada.

1 Samuel 27:3

Dạud ar uniren hoṛko do Gatre Akis ṭhen girobasokʼko ehopʼena. Uniren hoṛko sãote do onkoakʼ gharońjrenko, ar Dạud sãote do uniren banar bạhu, Jisrayel atoren Ahinoam ar Karmel atoren Abigael tạkin kin tahẽkana. Abigael do Nabalren rạnḍi bạhui tahẽkana.

1 Samuel 23:13

Noa katha ańjomkate Dạud do acʼ sãoten turui sae hoṛkoante Kayila bạgikateye oḍok calaoena ar mitʼ ṭhạ̃i khon ar mitʼ ṭhạ̃ite ńir baṛaeye ehopʼena. Ar Sạul do Dạud Kayila khone dạṛketʼ reakʼ kathae ańjomketʼ khan onḍe do ar bae senlena.

1 Samuel 25:13

Dạud do acʼren hoṛkoe metatʼkoa, “Ape mimitʼko ḍanḍare tarwaṛe toltape.” Onate onko do ḍanḍare tarwaṛeko tolkeda ar Dạud hõe onkakeda. Ar ona tayom Dạud do ponsae hoṛe soṅgewana ar barsae hoṛ do asbabko horhoe lạgitʼko tahẽyena.

1 Samuel 30:1

Dạud do acʼren hoṛkoante tesar hilokʼ Siklagteye seṭerena. Menkhan inạko dinre Amalekiko do Negebre Philisṭikoakʼ ṭoṭhare ar Siklagreko luṭ akatʼ tahẽkana. Onko do Siklag ńẽtʼkate seṅgelteko ḍahao marao akatʼ tahẽkana ar onḍeko tahẽkan sanam maejiuko ar huḍiń lạṭu joto do bondikateko idiakatʼko tahẽkana. Menkhan gocʼ do okoe hõ bako gocʼakatʼko tahẽkana, eken ruạṛ calakʼ jokhecʼko soṅge toraletʼko tahẽkana.

1 Samuel 30:9

Unre Dạud do acʼren turui sae hoṛe soṅgeketʼkoa. Onko do Besor ńutumanakʼ mitʼṭecʼ buru nala ṭhenko seṭerena. Ar onḍe thoṛa hoṛkoe doho oṭokatʼkoa.

2 Samuel 15:17

Raj ar uni sãoten sanam hoṛ do nagraha mucạtʼre senkateko teṅgoyena.

1 Samuel 27:4

Sạul do tinreye baḍaekeda, Dạud do Gatteye dạṛ akada unre ar bae sendra baṛaledea.