2 Samuel 15:10 - সান্তালী বাইবেল

¹⁰ Absalom do Israelren sanam gusṭiko ṭhen noa katha menkate oko okote hoṛkoe kolketʼkoa, “Sakwa reakʼ saḍe ańjom toragepe mena, ‘Absalom do Hebronren raje hoyena.’ ”

2 Samuel 15:10 Referans Kwoze

1 Bõsbudạ 12:38

Noko sanamkoge gạkhuṛ lạṛhại birko tahẽkana. Sanam Israelko cetanre Dạud raje lạgitʼ onko do mon murukkate Hebronteko hecʼlena. Dạud raje lạgitʼ eṭakʼ Israelko hõko mitʼ motlena.

1 Bõsbudạ 12:23

Probhu Isorakʼ katha leka lạṛhạikate Sạulakʼ rajosṭi Dạudakʼ tire jimại lạgitʼ okoe do khanḍa bhanḍawante Hebronre Dạud ṭhenko hecʼlen onkoakʼ lekha do nonka tahẽkana:

1 Bõsbudạ 11:3

Unre Israel disạmren sanam murubbiko do Hebronre Dạud ṭhenko jarwayena. Unre Dạud do Probhu Isorge gohayicʼ dohokate onko sãote mitʼṭecʼ bondobose bandhaokeda, ar Samuel hotete roṛakʼ Probhu Isorakʼ katha lekate onko do Israel disạmren raj lekate Dạudko ojokʼ bahalkedea.

2 Rapajko 9:13

Unre onko subedarko do usạrate akoakʼ hoṛmo reakʼ kicricʼko bocʼketʼte siṛhi cetanre Jihuakʼ jaṅga latarreko aṭetʼkeda. Ar ona tayom do sakwa oroṅkate ãṭ aṛaṅateko menkeda, “Jihu kangeae raj do.”

1 Rapajko 1:34

Sadok naeke ar Nathan nạbi do onḍe Israelkoren raj mente uni kin ojokʼ bahalea. Ar ona tayom do sakwa oroṅkate ãṭ aṛaṅtepe mena, ‘Solomon raj do jaejug hạbicʼ jiwetʼ baṛeye tahenma.’

2 Samuel 19:10

Okoe do abo cetanre rajok lạgitʼ bon ojokʼlede uni Absalom do lạṛhạireye gocʼena. Enḍekhan raj ruạṛ ạguiye lạgitʼ do jãhãnakʼ cedakʼ bape roṛeda?”

2 Samuel 14:30

Unre Absalom do acʼren gutikoe metatʼkoa, “Ńelpe, ińakʼ khet panterege Joabakʼ khet hõ menakʼtaea. Uni do onare Jaoe er akada. Ape do senkate onare seṅgel junḍiyakʼpe.” Ar Absalomren gutiko do senkate ona khetre seṅgelko junḍiyada.

2 Samuel 13:28

Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”

2 Samuel 5:5

Uni do Hebron khon Jihudạ disạm cetanre eae bochor tala ar Jerusalem khon goṭa Israel ar Jihudạ cetanre pegel bochore rajlena.

2 Samuel 2:11

Dạud do Hebron khon Jihudạ gusṭiko cetanre eae bochor hạbicʼ raje calaokeda.

2 Samuel 2:1

Dạud do Probhu Isor ṭhene kuliyana, “Iń do cetʼ Jihudạ ṭoṭha reakʼ jãhãn mitʼṭecʼ nagrahateń calakʼa?” Probhu Isore menkeda, “Hẽ, calakʼme.” Dạude kulikedea, “Iń do okateń calakʼa?” Probhu Isore roṛ ruạṛkeda, “Hebronte rakapʼ calakʼme.”

2 Samuel 15:9

Raj do uniye metadea, “Sulukte senjoṅme.” Unre Absalom do Hebronteye calaoena.

1 Rapajko 1:11

Unre Nathan do Solomonren eṅgattetʼ Bethsebae metadea, “Aleren mạlik Dạud begor baḍae ocoyete Hagitren hopon Adoniạ do raje hoyakan ona do cetʼ bam ańjom akada?”