2 Samuel 14:9 - সান্তালী বাইবেল

⁹ Unre Tekoaren maejiu do raje metadea, “E ińren mạlik maharaj, dostetʼ do iń ar ińakʼ gharońj cetanrege paṛaokʼma. Raj ar uniyakʼ siṅghạson do miridosge tahenma.”

2 Samuel 14:9 Referans Kwoze

1 Samuel 25:24

Ar ona tayom do Dạudakʼ jaṅgare giḍiyenteye menkeda, “E ińren mạlik, joto dos do ińakʼ kangea. Dayakate amren kạ̃ṛmĩ roṛ ocoạńme ar ińakʼ katha ańjomtińme.

1 Rapajko 2:33

Unkinakʼ mãyãm reakʼ dos do Joab ar uniyakʼ bõsren hoṛkoakʼ bohokʼ cetanre jaejug hạbicʼ tahenma. Menkhan Dạud ar uni bõsren hoṛko cetanre ar uniyakʼ gharońj ar uniyakʼ siṅghạson cetanre Probhu Isorakʼ sạjại do jaejug hạbicʼ tahenma.”

Mathae 27:25

Sanamkoko roṛ ruạṛadea, “Ale ar aleren gidrạkoge uniyakʼ mãyãm reakʼ dạyikle hoyokʼa.”

Numeri 35:33

Apeakʼ disạm do alope besapha ocoya, ente mãyãmpe joro oco lekhan disạm do besaphakʼa. Ar oka disạmre mãyãm jorokʼ onḍe do mãyãm joro ocoyicʼakʼ mãyãm chaḍa ar okalekate hõ ona reakʼ chut do baṅ dapalokʼa.

Genesis 27:13

Menkhan acʼren eṅgat do uniye metadea, “E beṭa, amakʼ ona sarap do ińre paṛaokʼma. Am do eken ińakʼ katha ańjomme ar senkate barea merom hopon ạguwạńme.”

Genesis 43:9

Ińge uni lạgitʼ jạmin iń teṅgoyena. Uni lạgitʼ ińge dạyiń tahena. Am ṭhen baṅ ruạṛ ạgu daṛeae khan jaejug hạbicʼ am ṭhen dusi akaniń tahenma.

2 Samuel 14:8

Raj do maejiue metadea, “Do oṛakʼte ruạṛ calakʼme. Iń do am babotre mitʼṭecʼ iń bebostaea.”

2 Samuel 14:10

Raje menkeda, “Jãhãe jãhãnakʼe metam khan onko do iń ṭhenem ạgukoa; enḍekhan ghuriạ ar bako jalaomea.”