2 Samuel 14:7 - সান্তালী বাইবেল

⁷ Ńitokʼ ińren jãwãeakʼ bõsren hoṛko do iń amren kạ̃ṛmĩ upạrteko teṅgo akana arko meneda, ‘Dini uni hoṛ oḍok ạgualeme okoe do acʼren boehae gocʼakade. Ale do uniren boehawakʼ jiwi reakʼle hala hạliya. Enḍekhan sompottiren ạidạriyicʼ mente do ar okoege bako tahena.’ Onko do ińakʼ sarecʼ akan aṅgra hõ ĩṛĩj tińko khojkana. Onka hoylen khan ińren jãwãeakʼ ńutum do dhạrti khon meṭaokʼtaea ar uniren bõsko hõ bako tahena.”

2 Samuel 14:7 Referans Kwoze

Numeri 35:19

Khũn akan hoṛakʼ mãyãm reakʼ hala hạli okoeye hatao unige uni khũniạhi do goje hoyokʼtaea; are ńamle khan jemon uni doe gocʼ giḍikae.

Mathae 21:38

Menkhan onko cacasko do hopontetʼko ńelkede khan akoreko menjoṅana, ‘nuige sompottiren mạlik doe hoyokʼa. Dela bon gojea,

2 Samuel 12:17

Raj oṛakʼren cetan hudạren kạmiyạko do ot khon berede lạgitʼ uni ṭhenko calaoena, menkhan uni do beretʼ bae rebenlena ar onko sãote hõ bae jom-ńũleda.

Dosar Biboron 25:6

Ar uniren pạhilicʼ hoponge uniren gocʼ akanicʼ dadattetʼakʼ ńutume rukhiyạya ar uni boehawakʼ ńutum Israelko tala khon baṅ meṭaokʼtaea.

Genesis 27:45

Thoṛa din tayom tinre raṅgao cabakʼtaea ar uni upạrte cetʼem cekaleda mente onae hiṛińa, unre hoṛ kolkate onḍe khoniń ruạṛ ạgumea. Ente cedakʼ mitʼ dinte bana hoṛiń atʼbena?”

Genesis 4:14

Teheń am do jumi khonem lagayediń kana, ar amakʼ mẽtʼãhã samaṅ khoniń danaṅokʼa. Ar dhạrtireń ạcur baṛaere jãhãe samaṅregeń paṛaokʼ unige iń doe gojeńa.”

2 Samuel 14:6

Iń amren kạ̃ṛmĩren do barea koṛakin tahẽkantińa. Mitʼdin unkin do ṭạnḍire jhogṛakʼ kin ehopʼena ar onḍe unkin chaḍaokin leka do celege bako tahẽkana. Onate unkin modre mitʼṭen do dosaricʼe gocʼkedea.

2 Samuel 14:8

Raj do maejiue metadea, “Do oṛakʼte ruạṛ calakʼme. Iń do am babotre mitʼṭecʼ iń bebostaea.”