2 Samuel 14:25 - সান্তালী বাইবেল

²⁵ Goṭa Israel disạmre Absalom leka ńelokʼte mońj do ar okoe hõ bako tahẽkana. Mońj ńelokʼ iạte uni do jotoko khon bạ̃ṛti sarhaoe ńametʼ tahẽkana. Uniyakʼ jaṅga talka khon coṭ bohokʼ hạbicʼ okare hõ cetʼ khutge baṅ tahẽkantaea.

2 Samuel 14:25 Referans Kwoze

Jesaea 1:6

Jaṅga talka khon bohokʼ upʼ hạbicʼ okare hõ niphuṭ do bạnukʼanaṅ, eken ghạl, dal reakʼ cinhạ ar ghaoko menakʼa. Ona do baṅ sapha akantapea se bedhao hõ baṅ hoyakana, ar sunum dulakʼte haso hõ baṅ komao akantapea.

Jobakʼ 2:7

Inạ tayom Soetan do Probhu Isor samaṅ khone oḍok calaoena ar Jobakʼ bohokʼ khon jaṅga talka hạbicʼ hasote perecʼ ghaoe kolladete kosṭo emaye ehopʼena.

Dosar Biboron 28:35

Probhu Isorge apeakʼ gunṭhikore, jaṅgakore ar jaṅga reakʼ talka khon bohokʼ hạbicʼ bis-phoṛakoteye ńẽtʼpea ar ona do tisge baṅ bogekʼtapea. Ona bis-phoṛa do jaṅga talka khon bohokʼ hạbicʼ sanam jaegarege hoyokʼa.

Mathae 23:27

“Hae, ape sostor baḍaeko, Phạrusiko ar phạsiarako do! Ape do cunte potao akatʼ topa lekanko kanape, one oka bahre ma mońjge ńelokʼkan, menkhan bhitri do gocʼ hoṛakʼ jaṅ ar joto lekan mạilạte perecʼge.

Kạhtukko 31:30

Mońj beohar do eṛegea, ar cõhõk hõ ạuṛiyakʼgea, menkhan okoe maejiu do Probhui botorae uni do sarhaoe ńama.

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

1 Samuel 9:2

Kisren do Sạul ńutuman mitʼṭen hopone tahẽkantaea. Uni do juạn ar ńelokʼte ạḍi napae koṛae tahẽkana. Israelko modre uni lekan ńelokʼte mońj do ar okoe hõ bako tahẽkana. Uni do eṭakʼko khon mitʼ phuṭ usule tahẽkana.

Daniel 1:4

Onko juạnko do ńelokʼte mońj, ạkilan, niphuṭ, cecetʼakʼte perecʼ ar raj dorbarre kạmi lạgitʼ lek lekako hoyokʼ. Aspenas doe hukum ocoyena jemon uni do onko juạnko Babel reakʼ pạrsi ar sahitto reaṅe cetʼako.

1 Rapajko 1:6

Uniren apattetʼ do tishõ uniyakʼ kạmire bae tạkicʼ daram akadea, se bae men akadea, “Cedakʼ nonka dom kạmikana?” Uni do Absalom leka ńelokʼte mońjgeye tahẽkana; ar Absalom bokottetʼe tahẽkana.

Jeheskel 23:15

Onko do paṭheyakʼte ḍanḍareko tol ạcurakana, bohokʼre dhacanakʼ dạhṛiteko dạhṛi akana; onko do jotoge ńelokʼte Babel disạmren subedarko lekako ńelokʼkan tahẽkana.