2 Samuel 13:6 - সান্তালী বাইবেল

⁶ Amnon do ruạkʼ kanae menteye giticʼ hapeyena. Ar raj do uni ńeńele hecʼen khan uniye metadea, “Dayakate ińren miserań Tamar do iń ṭhen kolkaeme ar uni do jemon hecʼkate iń samaṅre thoṛa piṭhại benaoạńma are jom ocoyińma.”

2 Samuel 13:6 Referans Kwoze

Genesis 18:6

Abraham do tạmbu bhitrite bolokate Sarae metadea, “Ma usạra gel irạl keji holoṅ sipime ar piṭhạ benaome.”

Mathae 13:33

Uni do arhõ mitʼṭecʼ phene lạiyatʼkoa: “Serma raj do khạmi lekana. Mitʼṭen maejiu do ona idikate gel irạl keji holoṅreye sipi mesalkeda. Onate joto holoṅ do khạmiyanakʼ hoyena.”

2 Samuel 13:5

Jonadabe menkeda, “Am do aṭetʼre giticʼkokʼme ar ruạkʼ kanam mente bhanme. Ar amren ạpum tinre am ńeńele hijukʼa unre unim metaea, ‘dayakate ińren misrań Tamar iń ṭhen kolkaeme jemon uni do hecʼkate thoṛa jomakʼe jom ocoyiń. Ar ona jomakʼ do iń samaṅregeye tearma jemon onań ńel are jom ocoyiń.”

2 Samuel 13:7

Unre Dạud do niạ menkate Tamar ṭhen hoṛe kolketʼkoa, “Do dadam Amnonakʼ oṛakʼte calakʼme ar thoṛa jomakʼ tear oṭoaeme.”