2 Samuel 13:39 - সান্তালী বাইবেল

³⁹ Dạud raj do uni ṭhen calakʼ reakʼ ạḍi mon tahẽkantaea, ente Amnonakʼ gujukʼ tayom uniyakʼ jiwi do raṛecʼ akan tahẽkana.

2 Samuel 13:39 Referans Kwoze

Genesis 24:67

Unre Isahak do acʼ gogowakʼ tạmbure Rebekae idikedea are baplakedea. Uni do Rebekae dulạṛkedea ar eṅgattetʼ ńutumte jiwi raṛecʼentaea.

Genesis 38:12

Noa ḍher din tayom Jihudạren bạhu, metakʼme Suạren hoponera doe gocʼena. Ar uni lạgitʼ homor halaṅ reakʼ din cabayen khan Jihudạ do acʼren gate Adulamren Hirạ soṅgekate Timnạteye calaoena. Ar okoeko hoṛ do uniren bhiḍikoakʼ upʼko kạpciyetʼtako tahẽkana onko do ona atoregeko tahẽkana.

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

Philipiko lạgitʼ Pạul apostolakʼ ciṭhi 2:26

Uni do sanamkoe uihạretʼpe kanteń kol ruạṛedekana. Ona chaḍa uniye ruạ kạhillen reakʼ kathape ańjomletʼ iạte uni do ạḍiye andesale akan tahẽkana.

Sereńko 119:20

Amakʼ ạn ạriko baḍae lạgitʼ jao okte ińakʼ jiwi do talga tạwạgokʼ akantińạ.

Sereńko 84:2

Ińakʼ jiwi do Probhu Isorakʼ oṛakʼ reakʼ raca ńel lạgitʼe chaṭ pahṭaokʼ kana, ar ona iạte ińakʼ jiwi do oḍokokʼ kana; jiwetʼ Isor lạgitʼ ińakʼ hoṛmo ar mon do rạskạteye andoṛeda.

Dosar Biboron 28:32

Aperen hopon ar hoponerako do eṭakʼ jạtren hoṛ ṭhenko soprotkoa. Onko lạgitʼ koyokʼ hor iạte apeakʼ mẽtʼ do kãṛãkʼtapea, menkhan jãhãnakʼ cekae reakʼ cetʼ daṛege baṅ tahentapea.

Genesis 31:30

Bhagegea, aben ạpumakʼ oṛakʼ calakʼ iạte jiwi lokʼkan tabena ar onateben oḍok hecʼakana, menkhan ạliń gharońjren murhutʼko do cedakʼ ben kombṛo ạguakatʼkoa?”

2 Samuel 14:1

Seruyaren hopon Joabe baḍaekeda, raj do Absalom lạgitʼ jiwi ragokʼ kantaea.