2 Samuel 13:31 - সান্তালী বাইবেল

³¹ Niạ katha ańjomkate raj doe teṅgoyena ar acʼakʼ kicricʼe oṛecʼketʼtaea ar otreye giticʼ hapeyena. Uniren gutiko hõ apan ạpin kicricʼ oṛecʼkate uni sorreko teṅgo hapeyena.

2 Samuel 13:31 Referans Kwoze

2 Samuel 12:16

Unre Dạud do uni gidrạ lạgitʼ Isor ṭhen nehõrokʼe ehopʼena. Uni doe upạskeda ar acʼakʼ oṛakʼte senkate otreye giticʼ aṅgayena.

2 Samuel 1:11

Niạ katha ańjomkate Dạud ar uni sãoten hoṛko do akoakʼ kicricʼko oṛecʼketʼtakoa.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

2 Samuel 3:31

Inạ tayom Dạud do Joab ar uni soṅgeten sanam hoṛkoe metatʼkoa, “Ape do apan ạpin kicricʼ oṛecʼkate coṭ horogpe ar homor halaṅate Abnerakʼ mạ̃ṛĩ laha lahate calakʼpe.” Ar Dạud hõ mạ̃ṛĩ gokʼ idikoe pańja idiketʼkoa.

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Genesis 37:34

Jakob do acʼakʼ kicricʼe oṛecʼketʼa ar ḍanḍare gõṛẽ kicricʼe horokʼketʼte ḍher din hạbicʼ hopontetʼ lạgitʼte homor halaṅkeda.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

2 Samuel 13:30

Onko horreko tahẽkanrege Dạud doe ańjomkeda, Absalom do rajren sanam hoponkoe gocʼketʼkoa, onko modre okoehõ jiwetʼ do bạnukʼkoa.