2 Samuel 13:29 - সান্তালী বাইবেল

²⁹ Onate Absalomren hoṛko do uniyakʼ hukum lekage Amnonko gocʼkedea. Noa ńelte rajren eṭakʼ hoponko do apan apin khaccarre decʼkateko dạṛkeda.

2 Samuel 13:29 Referans Kwoze

1 Rapajko 1:33

Dạud do onkoe metatʼkoa, “Ape do ińren rurukhiyạ dolko soṅgekope ar ińren hopon Solomon do ińren khaccarre dejepe ar Gihon tapol otette idiyepe.

2 Samuel 18:9

Ar Absalom do acʼkage Dạudren hoṛko samaṅreye paṛaoena. Unre uni do acʼren khacarre decʼkateye dạṛetʼkan tahẽkana. Ar khaccar do mitʼṭecʼ maraṅ ela dare reakʼ ḍạrko talateye dạṛetʼkan tahẽkanre Absalomakʼ bohokʼ do ela darere ḍhaṅentaea. Ar okoe khacar cetanreye decʼakan tahẽkan uni doe parom calaoena menkhan Absalom doe aka tahẽyena.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.

Kạhtukko 29:12

Mạliki calaoetʼ hoṛ eṛe kathae luturakʼ khan uniren sanam kạmiyạko hõko bạṛijokʼa.

Levitikus 19:19

“Ińakʼ niạm manaope. Ar judạ judạ jạtren janwarko alope (otoṅ) milạu mitʼ ocokoa. Mitʼ khetre bar lekan itạ hõ alope era. Ar bar lekan sutạm reakʼ teńakʼ kicricʼ hõ alope horoga.

Genesis 36:24

Sibeonren hoponkinakʼ ńutum do Aia ar Ana. Nui Anage acʼren apat Sibeonren gadha ạtińe senlenre hahaṅkarre lolo bhumbuke ńamleda.

2 Samuel 13:30

Onko horreko tahẽkanrege Dạud doe ańjomkeda, Absalom do rajren sanam hoponkoe gocʼketʼkoa, onko modre okoehõ jiwetʼ do bạnukʼkoa.

1 Rapajko 1:38

Unre naeke Sadok, Nathan nạbi, Jehoyadaren hopon Banae, Korethiạ ar Polethiạko do senkate Dạud rajakʼ siṅghạsonre Solomonko duṛupʼkedete Gihonteko idikedea.

2 Samuel 12:10

Am do ińem nihạ̃t akadińạ ar uni Uriạren bạhu do amren bạhu mentem dohoakadea, ona iạte amakʼ gharońj do khũniạhi reakʼ ti khon tishõ rukhiyạ bae ńama.’

2 Samuel 14:6

Iń amren kạ̃ṛmĩren do barea koṛakin tahẽkantińa. Mitʼdin unkin do ṭạnḍire jhogṛakʼ kin ehopʼena ar onḍe unkin chaḍaokin leka do celege bako tahẽkana. Onate unkin modre mitʼṭen do dosaricʼe gocʼkedea.