2 Samuel 13:28 - সান্তালী বাইবেল

²⁸ Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”

2 Samuel 13:28 Referans Kwoze

Bikʼcạrko 19:6

Onate uni do jom lạgitʼe duṛupʼena. Ar hońhartetʼ doe menkeda, “Teheń ńindạ hõ tahen ben ar rạskạkʼ ben.”

Bikʼcạrko 19:22

Ado khạtirjomako tahẽkanre nagraharen kharap hoṛko do hecʼkate ona oṛakʼko gheraokeda. Onko do silpiń ḍhae ḍhae dal baṛakate haṛam hoṛko metadea, “Okoe hoṛ amakʼ oṛakʼteye hecʼakan uni do ale ṭhen oḍok ạguiyem. Ale do uni sãotele loṭghuṭiya.”

Bikʼcạrko 19:9

Ona tayom Liwi do acʼren chuṭki era ar gutiyante tinre calakʼ lạgitʼe sapṛaoena unre hońhartetʼe menkeda, “Ńelben, ber doe khaṭogea are ạyubokʼ lạgidokʼ kana. Onate nonḍege tahen ben ar rạskạ joṅben. Ar gapa do ạḍi setakʼre beretʼkate abenakʼ oṛakʼte ruạṛben.”

Rut reakʼ kạhini 3:7

Boas do jom ńũkateye tirpiten khan uni do puńji akatʼ anaj reakʼ mitʼ aṛere senkateye giticʼena. Ar Rut do hape hapete senkate uni cetan khon oyonakʼ ocokʼkate onḍeye giticʼena.

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

Nạhum 1:10

Ape do jạnum jhạuạrepe ramphakʼa ar darkha rasa ńũtepe bulokʼa; ar lanḍha lekape lokʼa.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Sosolhayic̕ 10:19

Bhoj daka do rạskạ ocome lạgitʼ; darkha rasa do jiwi hulạs ocoy lạgitʼ; ar ṭaka-poesa do sanamakʼe jogaoa.

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Sereńko 104:15

Darkha rasa do manwakoakʼ mone rạskạ ocoyeda, sunum do uniyakʼ mẽtʼãhãe malkao ocoyeda, ar piṭhạ do uniyakʼ jiwire daṛeye ạguiyeda.

Ester 1:10

Eaeakʼ dinre Ahasberos raj do darkha rasae ńuketʼ khan ạḍiye kusiyena ar Mohumon, Bistha, Harbona, Bigtha, Abagtha Sethar ar Karkas ńutuman acʼren noko eae goṭen mạ̃yạ̃ṛikoe hukumatʼkoa Bạsti rạni do rạni mukuṭko horokʼaete acʼ samaṅre jemonko oḍok ạguiye. Rạni do ńelokʼte ạḍi napaeye tahẽkante raj do hoṛko ar cetan hudạren kạmiyạko samaṅre uniyakʼ rup ńel ocoetae lạgitʼe menleda.

1 Rapajko 20:16

Onko do tikin okteko oḍok hecʼena. Ar eṭakʼ eṭakʼ ṭoṭharen disạm cakʼlaokoren onko lạṛhại juạnkoge pạhilteko oḍok calaoena. Benhadad ar uni sãoten pegel bar rapajko do ńu bulkatere hõ bubulakʼko ńuńukan tahẽkana. Ona jokhecʼ Benhadad do khoj khobor hatao lạgitʼ okoe hoṛkoe kolletʼko onko do uniko metadea, “Samariạ khon hoṛko oḍok hijukʼ kana.”

2 Samuel 11:15

Onare niạ kathae olkeda, “Okare kajak lạṛhại hoyokʼkan onḍe Uriạ do lạṛhại phạdko laharem dohoyea, ar uni tayom khonpe ocogokʼte unipe ńẽtʼ ocoyea jemone gujukʼ.

2 Samuel 11:13

Ar Dạud do Uriại neotakedea ar acʼ sãoteye jom-ńũ ocokedete uniye bul ocokedea. Ar ạyupʼen khan Uriạ do rajren kạmiyạko talare acʼakʼ aṭetʼreye giticʼena, menkhan acʼakʼ oṛakʼte do bae senlena.

1 Samuel 28:13

Raj do uniye metadea, “Alom botorokʼa; cetʼem ńeleda?” Maejiue menkeda, “Iń do mitʼṭen debota ot khon rakapʼ hijukʼ kaniń ńelekana.”

1 Samuel 28:10

Unre Sạul do Probhu Isor ńutumte kiriạkateye menkeda, “Jiwetʼ Isor ńutumteń metam kana, niạ iạte am cetanre cetʼ sạjạige baṅ hijukʼa.”

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Genesis 9:21

Uni do mitʼdin darkha rasa ńũteye bulente acʼakʼ tạmbure uluṅgeye giticʼ akan tahẽkana.

2 Samuel 12:10

Am do ińem nihạ̃t akadińạ ar uni Uriạren bạhu do amren bạhu mentem dohoakadea, ona iạte amakʼ gharońj do khũniạhi reakʼ ti khon tishõ rukhiyạ bae ńama.’

2 Samuel 13:27

Menkhan Absalome jormoṭkede khan uni do Amnon ar uni sãote joto raj kũạrkoe kolkatʼkoa.

Exodus 1:18

Unre raj do unkin dhạ̃i buḍhi hoho ạgu ocoketʼkinteye metatʼkinạ, “Cedakʼ nonka do ben kạmikana? Koṛa hopon do cedakʼ jiwetʼ ben dohoyetʼkoa?”

1 Samuel 18:22

Sạul do acʼren kạmiyạko noae hukumatʼkoa, “Dạud hape hapete galmaraoepe, ‘raj do am cetanre ạḍiye kusiakana, ar uniren sanam kạmiyạko hõ amko kusiyam kana. Onate rajren jãwãe goṅke do amge hoyokʼme.’ ”

2 Samuel 14:6

Iń amren kạ̃ṛmĩren do barea koṛakin tahẽkantińa. Mitʼdin unkin do ṭạnḍire jhogṛakʼ kin ehopʼena ar onḍe unkin chaḍaokin leka do celege bako tahẽkana. Onate unkin modre mitʼṭen do dosaricʼe gocʼkedea.