2 Samuel 13:24 - সান্তালী বাইবেল

²⁴ Uni do raj ṭhen senkateye menkeda, “Amren guti do acʼren bhiḍikoakʼ upʼe kạpciyetʼtakoa. Onate raj do cetʼ acʼren gutikoante iń ṭhene hijukʼa?”

2 Samuel 13:24 Referans Kwoze

Sereńko 55:21

Uniyakʼ moca reakʼ katha do makhon khon hõ cĩkạṛgea, menkhan uniyakʼ ontorre do lạṛhại menakʼa; uniyakʼ kathako do hoṛmore ojokʼ akatʼ sunum khon hõ noromgea, menkhan onako do khap khon or bocʼ akatʼ tarwaṛe lekage.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Genesis 38:12

Noa ḍher din tayom Jihudạren bạhu, metakʼme Suạren hoponera doe gocʼena. Ar uni lạgitʼ homor halaṅ reakʼ din cabayen khan Jihudạ do acʼren gate Adulamren Hirạ soṅgekate Timnạteye calaoena. Ar okoeko hoṛ do uniren bhiḍikoakʼ upʼko kạpciyetʼtako tahẽkana onko do ona atoregeko tahẽkana.

1 Samuel 25:7

Ar ona tayompe metaea, iń doń ańjomkeda onḍe do bhiḍikoakʼ upʼ kạpciytako reakʼ kạmi calakʼ kana. Uniren gukʼpiko tinạkʼ din ale sãoteko tahẽkan unạkʼ din onko sãote bạṛicʼ do bale beohar akada ar tinạkʼ din Karmelreko tahẽkan onkoren celege bako kombṛolena.

2 Samuel 13:23

Niạ bar bochor tayom Ephrayim simạna ṭhen Bakʼal-Hasorre Absalomren bhiḍikoakʼ upʼko kạpciyetʼtako tahẽkana. Unre Absalom do rajren sanam hoponko onḍeye neotaketʼkoa.

2 Samuel 13:25

Raje roṛ ruạṛkeda, “Baṅa beṭa, ale joto hoṛ do bale calakʼa; arle calaolen khan amakʼ jhamela hoyokʼtama.” Absalom do ạḍiye jormoṭkedere hõ uni do calakʼ bae rebenlena, menkhane bhoradea.