2 Samuel 13:22 - সান্তালী বাইবেল

²² Ar Absalom hõ Amnon do boge bạṛicʼ cetʼge bae metadea. Amnon do uniren miserae nosṭokedete Absalom do uni kurudaye ehopʼena.

2 Samuel 13:22 Referans Kwoze

Genesis 31:24

Menkhan Isor do ńindạ jokhecʼ kukmũte Labane metadea, “Sontorokʼme! Jakob do boge-bạṛicʼ jãhãnakʼ cetʼge alom metaea.”

1 Johan 3:15

Okoe boehae kurudaekan uni doe khũniạhi kana. Ar cele khũniạhi hõ jaejug jion do bae ńama ona dope baḍaegea.

Genesis 24:50

Unre Laban ar Bethuel tạkinkin menkeda, “Enḍekhan noa do Probhu Isor khonge hoyakana. Onate ale do hẽ se baṅ cetʼge memenakʼ do bạnukʼtaea.

1 Johan 2:11

Menkhan okoe acʼren boehae kurudaekan uni do ńutre menaea ar ńutregeye dãṛãn kana. Uni do bae baḍaea okateye calakʼkana mente, ente ńut do uniyakʼ mẽtʼe kãṛã akatʼtaea.

1 Johan 2:9

Okoe hoṛ marsalre menaea menteye menetʼkan, ar acʼren boehae kurudaekan uni do ńit hõ ńutrege menaea.

Ephesiko lạgitʼ Pạul Apostolakʼ ciṭhi 4:31

Sanam lekan hewer haṛhatʼ, edre, raṅgao, kạumạu ar opoman, dusṭạmi, ar sanam lekan hiskạ ape khon sahaṛ akan tahenma.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

Mathae 18:15

“Amren boeha am upạrteye kại lekhan uni ṭhen senokʼme ar aben eskar tahenrege uniyakʼ dosko lại bujhạuaeme. Ar amakʼ kathae ańjom khan enḍekhan amren boeham dom ńam ruạṛkedea.

Sosolhayic̕ 7:9

Amakʼ mon do alom kạhĩs ocoytama, ente kạhĩs do bebujkoakʼ koṛamre gạḍiạu akan tahena.

Kạhtukko 26:24

Kurudamkan hoṛ do acʼakʼ luṭite heṛem heṛeme roṛama, menkhan ontorre do phikire dohoyeda.

Kạhtukko 25:9

Am aḍepaseren hoṛko upạrtem mambla lekhan enḍekhan eṭakʼicʼakʼ oko katha do alom sodora;

Kạhtukko 10:18

Kurude okoyetʼ kan hoṛ do eṛe kathae roṛa; ar bebuj hoṛ do bodname gahaoa baṛaea.

Genesis 31:29

Apeakʼ loksantape reakʼ ektiạri bạnukʼ tạliń ona do baṅa. Menkhan Abenren hapṛamkoren Isor do hola ńindạ ạlińe menakawatʼ lińa, “Men sontorokʼme! Jakob do boge bạṛicʼ jãhãnakʼ cetʼge alom metaea.”

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

2 Samuel 13:21

Dạud raj do noa katha ańjomkate ạḍiye raṅgaoena.

Kạhtukko 26:26

Acʼakʼ kurud do calakteye dapallere hõ enhõ acʼakʼ bạṛicʼtetʼ do manḍerre sodorokʼa.