2 Samuel 13:21 - সান্তালী বাইবেল

²¹ Dạud raj do noa katha ańjomkate ạḍiye raṅgaoena.

2 Samuel 13:21 Referans Kwoze

Genesis 34:7

Jakobren hoponko ona kathako ańjomketʼ khan gupi ṭạnḍi khonko hecʼena. Ar monre cetʼleka kosṭoko ạikạuketʼ onkage ạḍi bạṛicʼko raṅgaoena, ente Sikem do Jakobren hoponerawakʼ kũạritetʼe nosṭoketʼtaete Israel lạgitʼ mitʼṭecʼ opoman reakʼe kạmikeda, one okaṭakʼ kạmi do baṅ ganokʼakʼ tahẽkan.

Sereńko 101:8

Dinạm hilokʼ setakʼ jokhecʼ iń do bedhoromkoń mohor meṭaokoa, jemon Probhu Isorakʼ nagraha khon mimitʼ dusṭạmi kạkʼmikoń marao cabako.

2 Samuel 12:10

Am do ińem nihạ̃t akadińạ ar uni Uriạren bạhu do amren bạhu mentem dohoakadea, ona iạte amakʼ gharońj do khũniạhi reakʼ ti khon tishõ rukhiyạ bae ńama.’

2 Samuel 12:5

Niạ katha ańjomkate Dạud do uni kisạ̃ṛ hoṛ cetanre ạḍiye raṅgaoena. Uni do Nathane metadea, “Probhu Isore jiwetʼ lekage, okoe hoṛ nonkae kạmi akatʼ uni do gocʼ ocokʼ lek kanae.

1 Samuel 2:29

Enḍekhan ińakʼ oṛakʼre okako samaṅokʼ reakʼ hukumiń emakatʼ ape do cedakʼ ona janwar dãṛẽ ar eṭakʼ samaṅokʼakʼkope bemanoteda? Ińren hoṛ Israelkoakʼ samaṅokʼakʼko reakʼ joto khon bhageakʼ hạṭińte apnartetʼko jom tirpitokʼkante cedakʼ am do iń khon hõ amren hoponkin bạ̃ṛtim manotetʼkinạ?’

2 Samuel 13:20

Tamarren dadattetʼ Absalom do uniye kulikedea, “Amnon do cetʼ ame nosṭo akatʼmea? E mại, niạ babotre okoehõ cetʼge alom lạiyakoa, ente uni doe amren boeha kana. Ar noa iạte mon do alom bạṛijtama.” Un khon Tamar do acʼren boeha Absalomakʼ oṛakʼre mulingeye tahẽyena.

2 Samuel 13:22

Ar Absalom hõ Amnon do boge bạṛicʼ cetʼge bae metadea. Amnon do uniren miserae nosṭokedete Absalom do uni kurudaye ehopʼena.

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.