2 Samuel 13:2 - সান্তালী বাইবেল

² Amnon do acʼren misera Tamar ńame lạgitʼ iạteye ruạ utạrena. Kũạ̃ri kuṛiye tahẽkante, uni jãhãnakʼe cekaeye do baṅ hoedaṛeakʼ lekae hudisetʼ tahẽkana.

2 Samuel 13:2 Referans Kwoze

2 Korinthiko 7:10

Isor okaṭakʼ duke emokʼ onate do kại khon mon ạcur ruạṛokʼa ar bańcao ńamokʼa, ar dukokʼ reakʼ cetʼge baṅ tahena. Menkhan dhạrti reakʼ duk do manwakoakʼ morone ạguiyeda.

Soros sereń 5:8

E Jerusalemren kuṛiko, kiriạwạńpe, ińren dulạṛiạtińpe ńamle khan lạiyaepe iń do dulạṛteń kạhil caba akana.

1 Rapajko 21:4

“Ińren ạpuń ar goṛomiń ṭhen khon ńamakʼ sompotti do bạń em daṛeama.” Ahab do Jisriyelren Nabatakʼ niạ katha iạte acʼakʼ mẽtʼãhãe kurkunḍucʼketʼtaea ar oṛakʼteye calaoena. Uni do aṭetʼre eṭakʼ secʼ samaṅkateye giticʼ hapeyena ar cetʼhõ bae jom-ńũleda.

2 Samuel 13:1

Tayomte nonka hoyena. Dạudren hopon Absalomren do Tamar ńutuman ńelokʼte mońj mitʼṭen miserae tahẽkantaea. Ar Dạudren hopon Amnon do uni ạḍiye dulạṛede tahẽkana.

2 Samuel 13:3

Dạudren dadattetʼ Simeyaren hopon Jonadab do Amnonren gateye tahẽkana. Uni do ạḍi cạtur hoṛe tahẽkana.