2 Samuel 13:19 - সান্তালী বাইবেল

¹⁹ Unre Tamar do bohokʼre torocʼe ojokʼana ar oneye horokʼ akatʼ kicricʼe oṛecʼketʼtaea. Ar ona tayom do bohokʼ capokate ãṭ aṛaṅte rakʼ rakʼteye calaoena.

2 Samuel 13:19 Referans Kwoze

Jirimiạ 2:37

Am do bohokʼre ti capokate ona ṭhạ̃iyem bạgiyakʼa, ente okoe cetanrem bhorsalen onko do iń Probhu Isorgeń nihạ̃t giḍi akatʼkoa; onko hotete jãhãn porho do baṅ hoyokʼtama.”

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

2 Samuel 1:11

Niạ katha ańjomkate Dạud ar uni sãoten hoṛko do akoakʼ kicricʼko oṛecʼketʼtakoa.

2 Samuel 1:2

Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.

Jobakʼ 42:6

Onate okań men akatʼ ona do ńitokʼ iń chibaṅakʼ kana, ar dhuṛi ar torocʼre duṛupʼ kateń kastaokʼ kana.”

Jobakʼ 2:12

Onko do sạṅgiń khon bako orom daṛeadea. Onate onko do ãṭ aṛaṅte rarakʼko ehopʼena ar apnarakʼ kicricʼko oṛecʼketʼte bohokʼ cetante dhuṛiko uḍiyạukeda.

Ester 4:1

Mordekae do jotowakʼ sombatkoe baḍaeketʼ khan acʼakʼ kicricʼe oṛecʼketʼte gõṛẽ kicricʼe horokʼkeda ar torocʼ ojokʼkate nagraha talare senkate ãṭ aṛaṅte rarakʼe ehopʼena.

1 Samuel 4:12

En hilokʼ Benjamin gusṭiren mitʼṭen hoṛ do lạṛhại phạdko tala khone ńir paskaoente Siloteye calaoena. Unre uniyakʼ kicricʼko do oṛecʼge ar bohokʼ hõ dhuṛite losoponḍo tahẽkantaea.

Genesis 37:29

Tayomte Ruben do ona kuń ṭhen senkate Joseph bae ńel ńamledete dukte uniyakʼ kicricʼ oṛecʼkate boehako ṭhen senkateye menkeda, “Joseph do onḍe bạnuea. Iń do ńitokʼ cetʼ iń cekaea?”

2 Samuel 13:20

Tamarren dadattetʼ Absalom do uniye kulikedea, “Amnon do cetʼ ame nosṭo akatʼmea? E mại, niạ babotre okoehõ cetʼge alom lạiyakoa, ente uni doe amren boeha kana. Ar noa iạte mon do alom bạṛijtama.” Un khon Tamar do acʼren boeha Absalomakʼ oṛakʼre mulingeye tahẽyena.