2 Samuel 12:4 - সান্তালী বাইবেল

⁴ Mitʼdin mitʼṭen peṛa do uni kisạ̃ṛ hoṛ ṭhene hecʼena. Menkhan kisạ̃ṛ hoṛ do uni peṛa acʼren ḍaṅgra se bhiḍite peṛaye do bae khojleda. Ona bodolte uni reṅgecʼ hoṛren bhiḍi hopon ạgukate acʼren peṛa lạgitʼe isinkedea.”

2 Samuel 12:4 Referans Kwoze

Jakob 1:14

Ontor reakʼ bạṛicʼ sanage manwa do kại secʼe or idiyedekana ar ghaḍlakʼreye giḍiyea.

Bikʼcạrko 19:17

Ar nagraha reakʼ kulhire hortenkoe ńelketʼko khan uni haṛam hoṛ doe kuliketʼkoa, “Ape dope okoe kana ar oka khonpe hecʼakana?”

2 Samuel 12:3

Menkhan uni reṅgecʼ hoṛakʼ do cetʼge baṅ tahẽkantaea, uniren do eken mitʼṭen bhiḍi hopone tahẽkana. Uni do kirińkateye ạsulede tahẽkana. Uni do acʼ ar acʼren hopon ar hoponerako sãote dohokateye ạsul harayede tahẽkana. Ar uni reṅgecʼ hoṛ okae jometʼ tahẽkan uni bhiḍi hopon hõ onageye jometʼ tahẽkana ar uniyakʼ bạṭi khongeye ńũiyetʼ tahẽkana. Ar uni ṭhengeye guṅgutʼkan tahẽkana. Uni ṭhen do hoponera lekageye tahẽkana.

2 Samuel 12:5

Niạ katha ańjomkate Dạud do uni kisạ̃ṛ hoṛ cetanre ạḍiye raṅgaoena. Uni do Nathane metadea, “Probhu Isore jiwetʼ lekage, okoe hoṛ nonkae kạmi akatʼ uni do gocʼ ocokʼ lek kanae.