2 Samuel 12:3 - সান্তালী বাইবেল

³ Menkhan uni reṅgecʼ hoṛakʼ do cetʼge baṅ tahẽkantaea, uniren do eken mitʼṭen bhiḍi hopone tahẽkana. Uni do kirińkateye ạsulede tahẽkana. Uni do acʼ ar acʼren hopon ar hoponerako sãote dohokateye ạsul harayede tahẽkana. Ar uni reṅgecʼ hoṛ okae jometʼ tahẽkan uni bhiḍi hopon hõ onageye jometʼ tahẽkana ar uniyakʼ bạṭi khongeye ńũiyetʼ tahẽkana. Ar uni ṭhengeye guṅgutʼkan tahẽkana. Uni ṭhen do hoponera lekageye tahẽkana.

2 Samuel 12:3 Referans Kwoze

Mikạ 7:5

Aḍepaseren hoṛko cetanre bhorsa alope dohoya, ar jãhãe gateko cetanre hõ pạtiạu alope dohoya; hẽ, amakʼ koṛam pheḍreye giticʼkan amren bạhu ṭhen katha hõ sontorte roṛme,

2 Samuel 11:3

Unre Dạud do uni maejiu reakʼ khoj hatao lạgitʼ hoṛe kolketʼkoa. Mitʼṭen hoṛ doe menkeda, “Uni do Eliamren hoponera Uriạ Hitiren oṛakʼ hoṛ Bethseba kanae.”

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

2 Samuel 12:2

Kisạ̃ṛ hoṛren do ạḍi utạr ḍaṅgra ar bhiḍiko tahẽkantaea.

2 Samuel 12:4

Mitʼdin mitʼṭen peṛa do uni kisạ̃ṛ hoṛ ṭhene hecʼena. Menkhan kisạ̃ṛ hoṛ do uni peṛa acʼren ḍaṅgra se bhiḍite peṛaye do bae khojleda. Ona bodolte uni reṅgecʼ hoṛren bhiḍi hopon ạgukate acʼren peṛa lạgitʼe isinkedea.”