2 Samuel 12:24 - সান্তালী বাইবেল

^24-25 Dạud do acʼren bạhu Bethseba jiwi raṛecʼe emadea ar uni tulucʼ arhõe giticʼ mitʼena. Ar uniren do mitʼṭen koṛa gidrại hoyena. Dạud do uniyakʼ ńutum Solomone dohoketʼtaea. Probhu Isor do uni gidrại dulạṛede tahẽkante uniyakʼ ńutum do Jedidia dohoytae lạgitʼ Nathan nạbiye kolkedea.

2 Samuel 12:24 Referans Kwoze

Mathae 1:6

Ar Jisại do Dạud raj jonome emadea. Dạud do Solomon jonome emadea; Uriạ rinicʼ hotete;

1 Bõsbudạ 29:1

Ona tayom Dạud raj do sanam hoṛkoe metatʼkoa, “Ińren hopon Solomonge Isor doe bachao akadea; uniyakʼ umer do komgetaea ar gạkhuṛ hõ bae gạkhuṛa. Menkhan noa kạmi do ạḍi maraṅakʼ kana, ente noa maraṅ dolan do Probhu Isor lạgitʼ kana, jãhãe manwa lạgitʼ do baṅa.

1 Bõsbudạ 3:5

Ar onḍe Omiyelren bạhu Bethsebawakʼ kukhire uniren do ponea hoponko janamlena. Onko doko hoyokʼ kana Simiyi, Sobab, Nathon ar Solomon.

2 Samuel 7:12

Amakʼ bahaokʼ dinko mucạtʼlen khan am do amren hapṛamko ṭhenem calakʼre am bodolte am bõsren mitʼ hoṛ, amren hopongeń duṛubea ar uniyakʼ rajosṭiyiń ṭarhaotaea.

1 Rapajko 1:10

Menkhan uni do Nathan nạbi, Bonae, Dạudren birbanṭa hoṛko ar uniren boeha Solomonteko do bae neotaletʼkoa.

1 Rapajko 1:11

Unre Nathan do Solomonren eṅgattetʼ Bethsebae metadea, “Aleren mạlik Dạud begor baḍae ocoyete Hagitren hopon Adoniạ do raje hoyakan ona do cetʼ bam ańjom akada?”

Nehemiạ 13:26

Ona tayom iń do onkoń metatʼkoa, “Israelren raj Solomon do nonkan bapla iạtegeye kạileda. Eṭakʼ jãhãn jạtrenko modre uni lekan raj do ar celege bako tahẽkana ar Isor do uniye dulạṛede tahẽkana ar uni do sanam Israelko cetanreye rajledea, menkhan enhõ uni do porjạtren maejiuko hotete ạḍiye kạileda.

Dosar Biboron 33:12

Benjạmin reaṅ uni doe menkeda, “E Probhu Isor okoeyem dulạṛedekan uni do khạtirjoma unireye tahena; ar jao ghuṛi uni doe aḍ dohokaea; uniyakʼ tarenregeye tahena.”

2 Samuel 5:14

Jerusalemre uniren okoeko gidrạko janamlen onkoakʼ ńutum do hoyokʼ kana Simiyi, Sobab, Nathon ar Solomon.

Kạhtukko 4:3

Iń hõ coṅ iń babaren hoponiń tahẽkan, ar gogowakʼ mẽtʼre do huḍiń ar sadher hopon lekage.