2 Samuel 12:19 - সান্তালী বাইবেল

¹⁹ Kạmiyạko talare khae khoe joṅkane ńelketʼko khan Dạud doe bujhạukeda, gidrạ doe gocʼentaea. Uni doe kuliyana, “Gidrạ do cetʼe gocʼena?” Onkoko roṛ ruạṛadea, “Hẽ, gocʼenae.”

2 Samuel 12:19 Referans Kwoze

2 Samuel 12:18

Ruạ eae din tayom uni gidrạ doe gocʼena. Ar Dạudren kạmiyạko do gidrạ gocʼen reakʼ baḍae ocoye do bako dilleda. Onkoko menkeda, “Gidrạtae jiwetʼe tahẽkanre bon metade tahẽkanre hõ aboakʼ katha bae ańjomleda. Ar ńitokʼ do cekate bon metaea gidrạ doe gocʼena? Ar bon metae khan hoedaṛeakʼa uni do acʼakʼ jãhãnakʼe hạn botejtaea.”

2 Samuel 12:20

Unre Dạud do ot khone beretʼena ar ḍạbrạ saphakate sunume ojokʼana ar kicricʼe bodolente Probhu Isorakʼ oṛakʼte senkate otre ombakʼkateye sewakeda. Ar ona tayom do acʼakʼ oṛakʼteye ruạṛ hecʼente jomakʼ ạgui reakʼe hukumkeda. Ar uni samaṅre jomakʼko ạguketʼ khan uni doe jomkeda.

2 Samuel 13:39

Dạud raj do uni ṭhen calakʼ reakʼ ạḍi mon tahẽkantaea, ente Amnonakʼ gujukʼ tayom uniyakʼ jiwi do raṛecʼ akan tahẽkana.

1 Thessalonikikko 4:13

E boehako, gocʼ akankoakʼ cetʼ hoyokʼ takoa ona reaṅ bin baḍaepe tahen do bale menjoṅ kana, jemon as bạnukʼtako hoṛko leka dukte alope hadosokʼ.