2 Samuel 12:18 - সান্তালী বাইবেল

¹⁸ Ruạ eae din tayom uni gidrạ doe gocʼena. Ar Dạudren kạmiyạko do gidrạ gocʼen reakʼ baḍae ocoye do bako dilleda. Onkoko menkeda, “Gidrạtae jiwetʼe tahẽkanre bon metade tahẽkanre hõ aboakʼ katha bae ańjomleda. Ar ńitokʼ do cekate bon metaea gidrạ doe gocʼena? Ar bon metae khan hoedaṛeakʼa uni do acʼakʼ jãhãnakʼe hạn botejtaea.”

2 Samuel 12:18 Referans Kwoze

Numeri 20:15

Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.

2 Samuel 12:17

Raj oṛakʼren cetan hudạren kạmiyạko do ot khon berede lạgitʼ uni ṭhenko calaoena, menkhan uni do beretʼ bae rebenlena ar onko sãote hõ bae jom-ńũleda.

2 Samuel 12:19

Kạmiyạko talare khae khoe joṅkane ńelketʼko khan Dạud doe bujhạukeda, gidrạ doe gocʼentaea. Uni doe kuliyana, “Gidrạ do cetʼe gocʼena?” Onkoko roṛ ruạṛadea, “Hẽ, gocʼenae.”